Эхэ ороноо хамгаалагшадай һайндэр улас доторнай мүнөөдэр, февралиин 23-да, тэмдэглэгдэдэг юм. Тус һайндэрөөр Зэбсэгтэ хүсэнүүдэй зэргэдэ алба хаажа байһан сэрэгшэдээ, бууралхан Буряад оронойнгоо эрэлхэг зоригтой аха дүүнэрээ амаршалха дуран хүрэнэ. Эхэ орондомнай дайсанай добтолоо һаань, тэрэнээ хамгаалхаяа булта бодохомнай мэдээжэ. Һайндэртэй дашарамдуулан, нютагайнгаа үзүүр бэрхэ хоёр хүбүүдэй хуби заяан тухай хөөрэхэ хүсэлэнтэй байнаб. Эдэмнай хэд бэ гэбэл, бүхы наһаараа алба хааһан, мүнөө наһанайнгаа амаралтада байһан полковник зэргэтэй Жамсаран Дабаевич Будаев аха нүхэрнай, тиихэдэ Зэбсэгтэ хүсэнүүдэй зэргэдэ һаяхан алба хаажа эхилһэншье һаа, буугай һомоной эшхэрхые дуулаһан, «Эрэлхэг зоригой түлөө» орденоор шагнагдаһан Амгалан Бадмаевич Батуев.
Буряад Уласай Толгойлогшо Алексей Цыденов февралиин 16-18-ай үдэрнүүдтэ Баргажанай болон Хурамхаанай аймагуудта хүрэжэ, ажалаа ябуулһан байна. Энэ удаа Буряад Уласай Толгойлогшо Алексей Цыденов ниитын һалбариин эмхинүүдтэ хүрэжэ, хэрэгүүдтэйнь танилсаа. Баргажанай аймагай эгээл томо тосхонуудай нэгэн болохо Баргажанай Адагһаа ажалайнь үдэр эхилжэ, нютагай поликлиникэ, больницада үндэр тушаалтан айлшалаа.
Үбэлэй халаанай гол мүрысөөн гэжэ нэрлэгдэһэн Европын чемпионадта Ород гүрэнэй суглуулагдамал командын гэшүүд 12 медаль абаһан байна. Тэдэнэй дүрбэндэнь Буряад Уласай тамиршадай хүртэһэндэ баярламаар.
Буряад орондо тусхай хэлсээгээр эмшэнэй мэргэжэлдэ һуража байһан оюутадые дэмжэхэ хэмжээнүүд абтанхай. 2022 оной сентябриин 1-һээ тэдээндэ һара бүри республиканска стипенди түлэгдэжэ байха.
1999 оной ноябрь һарада ЮНЕСКО-гэй Генеральна хуралдаанай шиидхэбэреэр түрэл хэлэнэй уласхоорондын һайндэр баталагдаһан юм. Тэрэнь үбэлэй һүүл һарын 21- дэ тэмдэглэгдэдэг. Анха түрүүшынхиеэ 2000 оной февралиин 21-дэ эмхидхэгдэжэ, саашадаа заншалта болгогдоо бэлэй.
Хүхэрэн уняартадаг сэнхир дайдадаа...
Хүхэрэн уняартадаг сэнхир дайдадаа
Хүүхэнэй харгы эжым заһаа.
Хабарай шубуудай эртэ ерэхэдэ,
Хайрата эжым намайгаа угтаа, - гэжэ Юлия ДАМПИЛОВА дуун соогоо эхэ һайхан нютагаа, тала дайдаяа магтан түүрээнэ.
Г.Д. Дугаровагай нэрэмжэтэ Буряад Уласай уушханай ханяадатай тэмсэдэг эмнэлгын газарта пандемиин үедэ баһал ажалаа шэнээр зохёожо, тохёолдоод байһан байдалда тааруулха гэжэ оролдоо. Тус эмнэлгын газарай ахамад эмшэн Валерий КОЖЕВНИКОВТЭЙ уулзажа хөөрэлдэһэн байнабди.
Агын Буряадай тойрогто мэргэн һур харбагшадай гимн мүндэлбэ. Тойрогой Һур харбаанай эблэлэй түрүүлэгшэ Цыренжаб Мункожаргалов өөһэдын магтаалтай болохо һанамжа оруулһан байна. Энэ үүсхэлыень тамиршад ехэ дэмжээ юм.
Ехээр юумэ мэдэдэг хүнүүдэй һайндэр һаяхана тэмдэглэгдэбэ. Энэ ушараар абаһаар лэ Чимит Дармаев һанагдана. Хэдэн жэлэй саана НТВ теле-субагаар гарадаг “Своя игра” нааданда ялас гэмэ амжалтануудые Буряадаймнай эрудит туйлажа, олониие гайхуулаа. Баярта ушараар уулзахадамнай, Чимит ганса өөр тухайгаа хөөрөө бэшэ, мүн Улаан-Үдэ хотодо ухаа гүйлгэдэг интеллектуальна наадануудай хүгжэлтэ тухай хөөрэбэ.
Баргажанай аймагай Хара-Усун гэhэн голой хүүргэ үнинэй муудаһан юм. Модоор баригдаhан энэ хүүргэ шэнэлэгдэhэнэй удаа удааншье болонгүй аюултай болоно.
Агын үргэн талын нютаг бүхэндэ Сагаалганай найр һайханаар үнгэрдэг. Энэ баярай үдэртэ хүдөөгэй Соёлой байшан бүхэндэ тоглолтонууд, тамирай тэмсээнүүд, арадай наада зугаа эмхидхэдэг гээшэ. Сагаан һара болбол нэн түрүүн оюун һанаанай, соёл гэгээрэлэй һайндэр болоно. Тиимэһээ тоонтоёо тахиха, нютагайнгаа, омогойнгоо обоодо гаража, хии мориёо һэргээхэ, дасан дугандаа үргэл хэхэ, аха захатанаа золгохо ёһо үйлэдэхэ гээшэ шухала байдаг. Нютагайнгаа ахамад зониие, һургуулиин багшанарые золгоходоо, бултандань бэлэг бариха заншалтай юм. Нютагайнгаа хүгжэлтэдэ нэмэри мүнгэ суглуулжа оруулдаг үшөө нэгэ һайхан заншал бии.
Иимэ нэрэтэй Бүхэроссиин акци Загарайн аймагта үргэнөөр үнгэрнэ.
Захааминай аймагай Санагын дасанай дэргэдэ бүтэн боложо байһан Арьяа Баала бурханай хүрэгэй нээлтэ 2022 оной июлиин 13-да гээд үдэрынь гаргагдаа юм.
Баргажанай хүүгэдэй уралигай hургуулиин байшан 100 жэлэй саада тээ баригдаhан юм.
Эгээл түрүүн Баргажанай Адаг тосхоной поликлиника хүрэжэ, ажалтайнь танилсаба.
Оһын болон Боохоной аймагуудай һургуулинуудай команданууд “Планета КВН”, “Детский КВН” гэһэн бүхэроссиин наадануудта хабаадахаяа бэлдэжэ байнхай.
2022 ондо 50 мянган хүнһөө доошо ажаһуугшадтай нютагуудай Соёлой байшангуудые хүгжөөхэ тэдхэмжын мүнгэнэй хэмжээн баталагдаба. Һомологдоһон мүнгэнэй хэмжээн - 20,2 сая түхэриг.
Бээжэн хотодо үнгэргэгдэжэ байһан Олимпиин үбэлэй наадануудта Пётр Чайковскиин зохёоһон 1-дэхи концертын хэһэг дүрбэ дахин ханхинаба. Иигэжэ февралиин 13- ай байдалаар Ородой тамиршад дүрбэн алтан медальһаа гадна, 5 мүнгэн, 8 хүрэл медальнуудые шүүһэн байна. Энэ 7-дохи дүн болоно.
Центральная городская библиотека им. Калашникова собрала около ста топонимов нашего города. Среди них – Нахаловка и Дворянское гнездо. Эти названия появились в народе, и они точно отражают контрасты и реалии жизни тех лет. Мы предлагаем свою, расширенную версию их толкования.
Үшөө харуулха
