Үнгэрэгшэ амаралтын үдэрнүүдтэ Улаан-Үдэ хотын Пионер-2 гэдэг худалдаа наймаанай болон амаралгын түбтэ Максим Дашинимаевай «Юрэ бусын түрэһэн үдэр» (Необыкновенный день рождения) гэжэ баримтата фильмын түрүүшын харалга болоһон байна. Энэ кино буулгахада хабаадаһан, туһа хүргэһэн зон, мүн олондо мэдээсэл тараадаг эмхинүүдэй түлөөлэгшэд анха түрүүшын харагшад болобод. «Юрэ бусын түрэһэн үдэр» гэжэ нэрлэгдэһэн баримтата фильмын гол герой Б. Бат-Энэрэл хүбүүхэн монгол арад түмэндэ тон мэдээжэ юм.
Һаяхана Ширап-Жамсо Раднаевай зурагуудай ном иран хаража байтараа, зосоомни ехэ хүлгөөтэй мэдэрэл түрөө. Аяар холын балшар бага наhанаймни үе саг гэнтэ ухаандамни тодороод, өөрын жаргалай орон руу ниидэжэ ошоhон шэнги болооб. Зурагуудыень хараад уяржа, энэ хүнэй намтартай дүтэ танилсаха хүсэл досоомни түрөө, мүн олониитэ зондо энэ хүн тухай хөөрэхэ гэжэ шиидээб.
Үргэлжэлэл.
Һүүлэй үедэ Буряад Уласые доhолгоhон хаш шулуунтай (нефридтэй) холбоотой ушар урдын түүхын үргэлжэлэл болобо.
Гомбожаб Цыбикович ЦЫБИКОВ - дэлхэй дүүрэн мэдээжэ эрдэмтэн, аяншалагша, зүүн зүг шэнжэлэгшэ. XX зуун жэлэй эхиндэ тэрэнэй Түбэдөөр аяншалха үедөө нюусаар буулгаһан фото-зурагуудынь дэлхэй дүүрэн суурхаһан. Һаяхана Буряадай Эрдэмэй түбтэ Гомбожаб Цыбиковтэ зорюулагдаһан эрдэм-шэнжэлэлгын хуралдаан арбадахияа үнгэрбэ. Энэ удаа тэрэ эрдэмтэнэй түрэһөөр 150 жэлэй ойдо зорюулагдаа.
Зунай ааяма халуунай бууража, намарай ольбоной орожо байһан сагта кино-найруулагша Баир Уладаев түрэл нютагһаа холуур ябажа байгаа. Хара далайн эрьедэ бэеэ нюсэгэлэн хэбтэгшэ Анапа хотодо «КиноШОК» гэжэ уласхоорондын кинофестивальда хабаадаа. Гадна Татар Уласай ниислэл Казань хотодо эмхидхэгдэгшэ «Жэгүүртэ барас» («Крылатый барс») болон Оренбург хотодо зарлагдаһан мүн лэ уласхоорондын зиндаатай «Дурна – Үрнэ» («Восток – Запад») гэжэ кинофестивальһаа бусажа ерэһэн кино-найруулагша Баир Уладаев Буряад Уласай Үндэһэтэнэй номой сангай уужам һаруул танхимуудай нэгэндэ олондо мэдээсэл тараадаг эмхинүүдэй сурбалжалагшадые урижа, асуудалнуудтань харюусаба.
Сентябриин 18-да, дайшалхы тамирай зүйлнүүдээр бүхэроссиин нааданууд үнгэргэгдэбэ. 10-18 наһатай тамиршад 23 зүйлнүүдээр мүрысэбэ. Буряадай эдиршүүл самбо барилдаагаар, тхэквондогоор (ИТФ), тайска боксоор, ушугаар амжалтануудые туйлаа.
Буряадай арадай ирагуу найрагша Нина Ленхобоева-Артугаевагай 70 наһанай ойдо
Сентябриин 15-һаа октябриин 15 болотор Улаан-Үдэ хотодо «Алас Дурна» гэжэ нэрэтэй уран һайханай үзэсхэлэн ажалаа ябуулхань. Соёл урлалда, уран зурагуудта дуратайшуул Ц. Сампиловай нэрэмжэтэ Уран һайханай музей, Буряадай Уран
зураашадай байшан, «Залуу» гэһэн мүнөө сагай эрилтэдэ таарама соёл урлалай түбтэ ерэхэ аргатай.
Хэрбээ тэнгэриин үндэрһөө доошоо Байгал шадарай газар уһанай дэбисхэр шэртэн хараа бол, хада уулын, хангил хабсагайн хаяаһаа эхи абаһан Интэ, Эрхүү мүрэнүүдэй, Монголой тала дайдаһаа эхи абаһан Сэлэнгэ мүрэнэй долгилон урдаһан уһан арюухан Байгал далайдаа шудхан ороно.
Хяагтын Рабдановтанай гэр бүлэ «Энэ манай гэр бүлынхид» гэһэн урилдаанда хабаадаха. Сентябриин 1-дэ гүрэнэй Юрэнхылэгшэ Владимир Путин урилдаанай эхи табяа юм. Урилдаанда хабаадагшадые бүридхэлгэ этосемейное.рф. сайтда эхилээ.
Сентябриин 17 - ой модоной ажахын хүдэлмэрилэгшэдэй үдэр
Бууралхан Буряад ороноймнай Захааминай аймагай багаханшье һаа, ажалша бэрхэ, хүдэр шамбай хүн зонтой Борто нютагта зунай намартаяа уулзаха һэрюухэн үедэ нютаг можонууд хоорондын «Һээр шаалган – 2023» турнирта олон тамиршад холо ойроhоо, Монгол оронhоо сугларжа, үндэр дээдэ хэмжээндэ үнгэргэгдөө. Энэ ехэ хэмжээ ябуулга сагhаа урид наhанhаа хахасаhан нютагаймнай хүбүүн, нютаг можонууд хоорондын, республиканска мүрысөөнүүдтэ оло дахин абарга, Монгол ороной «Алтан Бүс» турнирай абарга Амарсана Баян-Мункоевич БАДМАЕВАЙ мүнхэ дурасхаалда зорюулагдаа.
Сентябриин 9-дэ Монгол гүрэнэй делегаци Ядерна эмнэлгын түб болон онкологиин диспансер хүрэбэ.
Буряад Уласай Толгойлогшо Алексей Цыденов албанай хэрэгээр Загарайн аймагаар ябаба. Толгойлогшо ниигэмэй эмхинүүдтэ хүрэхэһөө гадна Үндэһэтэнэй «Аюулгүй шанартай харгынууд» гэһэн түсэл аймаг дотор яажа бэелүүлэгдэжэ байнаб гэжэ шалгаба.
Хархис дайсадтай тэмсэжэ ябаһан сэрэгшэдэй бэшэһэн, хүнэй зүрхэ сэдьхэл хүдэлгэһэн гуниг дүүрэн гурбалжан бэшэгүүд, сэбэр һайхан мэдэрэл түрүүлһэн мүрнүүд… Ара талын ажалда амин бэеэ хайрлангүй ажаллажа ябаһан басагадта, бэреэдтэ баяр жаргал асарһан инагай захяанууд. Олон жэлэй туршада уншагдажа, эбхэлеэгээрээ нимгэржэ, соорохо болошоһон, газаа талаһаа үнгэ зүһэеэ хубилжа шарлашаһан бэшэгүүд хэтын хэтэдэ удха шанараа алдахагүй, алта мүнгэнһѳѳшье үнэтэй үгэнүүд, аюулта дай даража, түрэһэн нютагаа амиды мэндэ бусаха сэрэгшэдэй этигэл найдалай һүлдэ тэмдэгүүд. Хэдэн үе зоной хорбоо юртэмсэһѳѳ халин ошоошье һаань, хариин дайдада баатарай үхэлѳѳр алдалан унаһан совет сэрэгшын мэндын тэмдэг хүнэй сэдьхэл хүлгүүлжэл байха! Гыдыпова Димит эгэшын ори ганса Намсарайжапов Цыренванчик хүбүүнэй аюулта дайнай агшан зуурын забһар соо заб оложо, хорон карандашаар лата үзэгѳѳр бэшэһэн бэшэгүүд хэды ехэ баяр асардаг байгааб даа!
Үшөө харуулха
