“1992 онһоо 2010 он болотор Захааминай аймагай болбосоролой хороое даажа байһамби. Энэ үе соо ямаршье һайн, эрхим бэрхэ багшанартай хүдэлөө гээшэбиб гэжэ омогорхожо ябадагби”, - гэжэ болбосоролой эрдэмэй дид-доктор, мүнөө Ивалгын аймагай Хойто Бэеын дунда һургуулиие захирдаг Владимир Бадмаев дурсана.
Байгша оной декабриин 21-дэ Үндэһэтэнэй номой санда Буряадай арадай поэт, мэдээжэ сэдхүүлшэ Цырендулма Дондогойн 90 жэлэй ойн баярта зорюулһан үдэшэ дулаахан оршондо үнгэрөө. Уран зохёолшод, сэдхүүлшэд, оюутад, Яруунаһаа зорижо ерэһэн айлшад энэ үдэшэдэ оролсоо.
Улаан-Үдэ хотодо тамирай талаар 2022 оной дүнгүүд согсологдожо, түрүү тамиршад шангуудта хүртэбэ.
Шэнэ жэлые угтахадаа, ямар хасуури шэлэхэб: амиды модо гү, али хэмэл ёлко? Нэгэ хэды жэлэй саада тээ тус асуудалда ехэнхи зон: «Оршон тойронхи байгаалияа аршалхын тула хэмэл ёлко абаха хэрэгтэй. Хэмэл хасуури амиды мододые абарна ха юм», - гэжэ харюусадаг байгаа.
Мини-футбол . Нижегородско можо. Хүүгэдэй гэрнүүдэй болон интернат-һургуулинуудай дунда заншалта бүхэроссиин фестиваль үнгэргэгдэбэ. 2021 ондо наһанай хоёр бүлэгтэ түрүү һуури эзэлһэн Хэжэнгын интернат-һургуулиин шабинар энэшье удаа һайн дүн харуулжа шадаа.
Һаяхана Северобайкальск хотын толгойлогшо Олег Котов Баир Дандаровые амаршалба. “Северобайкальск хотын хүндэтэ эрхэтэн” гэһэн нэрэ зэргэ боксын мэдээжэ һоригшодо, уласхоорондын хэмжээнэй шүүгшэдэ олгуулагдаа.
Захааминай аймагай Закаменск хотын хуушарһан гэрнүүдтэ ажаһуугшад шэнэ байрануудай түлхюурнүүдые абаба. 12 гэр бүлэ һаяын сагта мүнөө үеын бүхы эрилтэнүүдээр баригдаһан хоёр дабхар гэртэ зөөжэ орохонь.
Буряад–монголшуудай элинсэгүүд болохо талын хүннүүдэй литээр мүнɵɵ 2846 он мүндэлхэнь. Шэнэ жэлые хасуури модо шэмэглэжэ угтадаг заншал нэн түрүүн 500 жэлэй саада тээ Германида бии болоhон гэжэ түүхын номууд соо бэшэгдэhэн.
Буряад Уласай Толгойлогшын харгалзалга доро үнгэргэгдэдэг заншалта хасууриин наадан энэ удаа Эхэ оронойнгоо амгалан байдал сахижа ябаһан сэрэгшэдэй үхибүүдтэ зорюулагдаба.
Фрагмент программы «Однажды» Сергея Майорова.
Алексей Цыденов Буряад Уласай Толгойлогшын уялга дүүргэжэ байхадаа, 2017 оной февраль һарада Ородой Холбоото Уласай Юрэнхылэгшэ Владимир Путинтай уулзаһан юм. Тиихэдэ Буряад орониие хүгжөөлгын гол шэглэл хадаа мал ажал гэжэ тэрэ онсолоо бэлэй. Харин Толгойлогшо болоходоо, хони үсхэбэрилгэ хүгжөөхэ талаар хамтадхамал программа зохёохо даабари үгөө. Тэрэнэй ёһоор, хэдэн шэглэлнүүд хүгжөөгдэхэ юм: хубсаһа хунарта хэрэглэгдэдэг нарин нооһо, хибэс, һэеы бүтээдэг бүдүүн нооһо үйлэдбэрилгэ, арһа элдэлгэ, фермерскэ ажахынуудые болон хүдөө ажахын буусануудые хүгжөөлгэ...
Эдэ бүгэдэ буряад арадай хэр угһаа үсхэбэрилдэг байһан табан хушуу мал һэргээлгэдэ нүлөөлхэнь бэшэ гү? Энэ асуудалаар социологиин эрдэмэй доктор, профессор Цыренжаб Цыдыпович Чойроповтой хөөрэлдөөбди.
Эдэ үдэрнүүдтэ оюутад үбэлэйнгөө хаһын шалгалтануудые тушаажа эхилхэнь. Дээдэ гү, али дунда һуралсалай гуламтануудта һураһан ондо ондоо үеын һурагшад шалгалта тушааһанаа хөөрэжэ үгөөд, зүбшэлнүүдые залуу халаанда дурадхаһан байна.
Байгша оной декабриин 16-да Эдир сэдхүүлшэдэй эблэл байгуулагдаһаар 30 жэлэйнгээ ойн баярта Буряадай Болбосоролой болон эрдэм ухаанай яамантай хамта “Мүнөөдэрэй медиа-талмайн хүмүүжүүлхы арга боломжо” гэжэ бүхэроссиин эрдэмэй-практическа хуралдаа эмхидхээ. Москва, Екатеринбург, Владивосток, Казань болон Санкт-Петербург хотонуудһаа хабаадагшад энэ хуралдаанда оролсоо.
“Аюулгүй шанартай харгынууд” гэһэн үндэһэтэнэй түсэлэй шугамаар бэелүүлэгдэһэн хэмжээ ябуулгануудай дүнгүүд эндэ һая болоһон суглаан дээрэ согсологдобо. Үбэр Байгалай хизаарай Засагай газарай Түрүүлэгшын орлогшо-Агын Буряадай тойрогой Хүтэлбэрилэгшэ Буянто Батомункуев суглаа хүтэлэн ябуулаа.
Декабриин 15-да Буряад Уласай Үндэhэтэнэй номой сан соо Хурамхаанай дасанай шэрээтэ, элитэ блогер – лама, Буряадай Уран зохёолшодой холбооной гэшүүн Олег Найданович Намжиловай «Буддын шажан тухай юрын үгэнүүдээр» гэhэн шэнэ номтой танилсуулга үнгэргэгдэбэ.
Хориин, Яруунын болон Хэжэнгын аймагуудай буряад хэлэ болон уран зохёол заадаг багшанар уулзаба. Хоринск һууринда аймаг хоорондын семинар эмхидхэгдээ.
Хэрэнэй арадай театр “Үлгын дуун” гэһэн зүжэг һаяхана нютагаархидтаа харуулба. Хужар нютагай соёлой байшанда хоёр дахин харалга эмхидхэгдэхэдэнь, залаар дүүрэн хүн суглараа.
Буряад Уластамнай ханяадан яһала һүжэрөөд байтараа, нэгэ бага буураба хэбэртэй. Һургуулиин үхибүүдһээшье байха томо зон хамшаглана.
Валерий Манзаракшеевич Сыдеев амиды мэндэ ябабал, 2022 ондо 75 наһанайнгаа ойн баяр угтаха байгаа. Мүнхэ дурасхаалдань зорюулагдаһан Буряад Уласай ээлжээтэ мүрысөөн декабриин 17-до үнгэргэгдэбэ. Эндэ 24 наһа хүрөөдүй тамиршад хабаадаһан байна.
Декабриин 15-да Буряад Уласай Үндэhэтэнэй номой санда элитэ уран зохёолшо, арадай ирагуу найрагша, оршуулагша, этнограф, Россиин ба Буряадай соёлой габьяата хүдэлмэрилэгшэ, хэлэ бэшэгэй эрдэмэй доктор, түүхын эрдэмэй кандидат, Буряад Уласай Гүрэнэй шангай хоёр дахин лауреат Баир Сономович Дугаровай 75 наһанай ойн баярта зорюулагдаhан «Нүүдэлшэнэй одон» гэhэн hайндэртэ хэмжээн үнгэргэгдэбэ.
Үшөө харуулха
