Буряадууд хэр угһаа бүмбэр сагаан хонинойнгоо хүбэн зөөлэн нооһо ээрэжэ, даража, мүн арһа шүрбэһыень элдэжэ, дулаахан шэмэгтэй хубсаһа хунар оёжо, үмдэжэ ябаа. Хэдэн жэлэй урдахана энэ урлалаар хүн зон һонирхожо эхилээд, элдэб олон шанар һайтай хубсаһа хунар, гутал, унтари хэбтэриин хэрэгсэлнүүдые бүтээдэг болонхой. Үнгэрэгшэ амаралтын үдэрнүүдтэ ээлжээтэ «Дулаан шэмэг» гэһэн урилдаан боложо,эрхимүүдые элирүүлбэ.
Эрбэдтэ зорюулагдаһан экологическа урилдаан эдэ үдэрнүүдтэ түгэсэбэ. Түнхэнэй Үндэһэтэнэй хүреэлэн энэ хэмжээ ябуулга эмхидхэжэ, үхибүүдэй 1 мянга 100 гаран ажал ерээ гэжэ мэдээсэнэ.
Түнхэнэй аймагай Шэмхын интернат-һургуулиин 10-дахи классай шаби Намина Аюшеева Бүхэроссиин хэмжээ ябуулгада түрүүлжэ гараба. Россиин арадуудай үндэһэн хэлэнүүдэй дээдэ һургуулиин эмхидхэһэн урилдаанда хабаадагшад түрэл соёл, заншал тухай ород хэлэн дээрэ найруулан бэшэхэ, мүн ород яһатанай соёл, заншал тухай өөрын хэлэн дээрэ хөөрэхэ гуримтай байгаа.
Буряад хэлэнэй ба уран зохёолой бэлигтэй багша Соёлма Саяновна Базаровагай ударидалга доро нютагайнгаа ородуудай заншал тухай найруулга Намина буряад хэлэн дээрэ дурадхаа.
Үнгэрэгшэ һарын 18-19-эй үдэрнүүдтэ Эжэл мүрэнэй эрье дээрэ түбхинэһэн Казань хотодо гүрэнэй архивуудай мэргэжэлтэдэй Бүхэроссиин суглаан болоһон байна. Архивай талаар федеральна агентство, Татарстан Уласай Архивай талаар гүрэнэй хороон гэгшэд тус хэмжээ ябуулга эмхидхээ. Татарстанай ниислэл Казань хотодо үнгэргэгдэһэн суглаанда Буряадаймнай гүрэнэй архивай захирал Бутит Цыдыпмункуевна Жалсанова, архивай ахамад хадагалагша Наталья Викторовна Зангеева хоёр хабаадажа ерэһэн байна.
Дарма Жанаевай нэрэмжэтэ Хориин 1-дэхи һургуули 2017 ондо дүүргэһэн Алдар Цыремпиловэй мүнхэ дурасхаалда зорюулагдаһан волейболоор мүрысөөн анха түрүүшынхиеэ эмхидхэгдэбэ.
Универсальна тулалдаан
Волгоград. Буряадай тамиршадай Ород гүрэн дотор түрүүшүүлэй тоодо оролсоһые һая үнгэргэгдэһэн дэлхэйн чемпионат харуулаа. 400 гаран тамиршадай дунда тэдэ гурбан медаль абажа шадаа.
Ээлжээтэ амжалта Даша Жамбалов туйлаһан байна. Виктор Бадмаев болон Виталий Ананин мүрысөөнэй хүрэл медальнуудта хүртөө.
Октябриин 31-дэ Буряад драмын театрай тайзан дээрэ
уран шүлэгэй ёhото hайндэр үнгэргэгдэбэ. Пианинын уянгата хүгжэмэй, морин хуурай шэдитэ аялганууд доро ирагуу найруулгын зохёолнууд зэдэлжэ, олоной зүрхэ сэдьхэл хүдэлгэhэн байна. Буряадай үльгэр домогто театрай үндэр тайзан дээрэ уран үгын, ирагуу дуунай одод заларжа, оюун бэлигэй ошото элшээр оршон тойрониие гэрэлтүүлээ.
Иимэ нэрэтэй түсэл гүрэнэй грантда хүртэһэн байна. Буряадай Һур харбалгын федераци аймагуудаар ябажа, түсэлөө бэелүүлжэ эхилбэ.
Алас Дурна зүгэй болон Сибириин федеральна тойрогуудай нэгэдхэгдэһэн мүрысөөнүүд Улаан-Үдэдэ ноябриин 5-7-ой үдэрнүүдтэ үнгэргэгдэбэ. Буряадай харбагшад Ород гүрэн дотороо түрүүшүүлэй тоодо дэмы ородоггүй байһанаа гэршэлээ.
Буряад Уласай ажаhуугшад социальна хэлсээнэй тусхай программын туhаламжаар ажал олохо аргатай. Тэдэ зондо байhан мэргэжэлээрээ хүдэлхэ гү, али гэбэл, шэнээр hураха арга олгогдоно. Мүнɵɵдэрэй байдалаар, 300 гаран хүн ажалтай болонхой.
Хуушарһан гэр байрануудта ажаһуудаг арад зониие шэнэ гэрнүүдтэ зөөлгэхэ түсэл бэелүүлэгдэһээр. Тус хэмжээ ябуулгын аргаар Буряад Уластамнай 4000 гаран ажаһуугшад гэр байраар хангагдаба. Хүнэй ажаһуухада аймшагтай гэжэ 2017 он болотор баталагдаһан гэрнүүд сүлөөлэгдэбэ.
Буряадай эрдэмтэд «Мүнɵɵнэй эмнэлгын хүнэй бэеын шудалал: онсо шэнжэ, зорилго ба арга боломжонууд» гэhэн уласхоорондын X интердисциплинарна эрдэмэй симпозиумдо хабаадаба.
Ород Уласай арадай зүжэгшэн Михаил Гомбоевич Елбоновой эмхидхэн байгуулһан «Эдир Будамшуу» гэһэн уласхоорондын XVIII урилдаан үнгэргэгдэжэ, эрхимүүд элирүүлэгдэбэ.
Россиин ниислэлэй ажаһуугшад болон айлшад Москвагай метрополитен соо Буряад ороной соёл болон ёһо заншалнууд тухай дэлгэрэнгыгээр мэдэхэ аргатай болобо. Тэндэ табадахияа Алас Дурнын экспресс ябуулагдаба.
Ноябриин 5-да Буряадай Толгойлогшо Алексей Цыденов Сэлэнгын, Зэдын, Захааминай аймагуудаар албанай хэрэгээр ябахадаа, «Гусиноозёрск – Петропавловка – Закаменск» гэһэн шэглэлээр заһабарилагдажа байһан харгы шалгаба.
Һаяхан Үндэһэтэнэй номой санда түмэн арадайнгаа түүхэтэй, ажабайдалтай, уран үгын баян жасатай саг үргэлжэ танилсуулжа, уншагшадайнгаа дура сэдьхэл буляаһан «Байгал», «Байкал» сэдхүүлнүүдэй («Буряад үнэн» Хэблэлэй байшанай дэргэдэ) байгуулагдаһаар 75 жэлэй ойдо зорюулагдаһан үдэшэ үндэр хэмжээндэ үнгэргэгдэбэ. Буряад Уласай габьяата зүжэгшэн Лариса Шаралдаева («Байгал» театр) морин хуурай аялгаар бултаниие амаршалаа.
Дурсалга
Буряад Уласай арадай зүжэгшэн Чимит Ринчиновэй түрэһөөр 70 жэлэй ойдо
Манай Чимит
Бодото энэ наһанаймнай
Богони байхань гайхалтай.
Эрхим бэрхэ хүнүүдэймнай
Эрьелтэгүй ошохонь харамтай...
Һур харбалгаар уласхоорондын классай спортын 5 мастер, спортын 11 мастер Сэлэнгын аймагай Ташар һууринһаа ургажа гараа. Бэлигтэй һоригшод Виликтон Юрьевич ба Дулма Аюшеевна Иринцеевтэнэй ударидалга доро тэдэ булта бэлэдхэл гараһан юм. Һур харбалгын багшаар Иринцеевтэнэй гэр бүлэ 25 жэлэй хугасаада хүдэлнэ гээшэ.
Буряад-монголшууд үнеэнэй hү эдеэнэй дээжэ гэжэ шүтэдэг түүхэтэй. Хэдышье үнэтэй, хоморой эдеэгээр дүүрэн хүндын шэрээ дээрэ сагаан эдеэн (hүн, тоhон, зɵɵхэй, үрмэн, тараг г.м.) үгы байбалнь, тэрэниие хооhон шэрээ гэжэ манай элинсэгүүд тоолодог байhан. Мүн үнеэнэй hүн – бурхан сахюусадтаа үргэдэг сэржэмэй дээжэ. Холо ойрын аян замда гарахадаа, ажабайдалдаа тохёолдоhон элдэб hаад тодхорые усадхахын тулада hү үргэжэ арюудхадаг заншалтайбди. Yнеэнэй hүн - ёhото эди шэдитэ эдеэнэй дээжэ!
“Хүн болохо багаһаа, хүлэг болохо унаганһаа” гэжэ буряад зон хэлсэдэг ха юм даа. Дууша, уран зохёолшо, бэлиг талаантай хүнүүдээрээ алдар сууда гараһан хэбэд номхон Хэжэнгын аймагай элдин һайхан Эдэрмэг нютагта түрэһэн хөөрхэн, зохидхон Дарима басаган зааханһаа хонгёохон хоолойгоороо илгардаг бэлэй. Тиигээшьегүй яахаб даа, хони адуулдаг байһан Цыпилма Санжиевна Санданова эжынь, Дугдан Гармаевич Дамбаев эсэгэнь амаргүй гоёор дуулалдадаг, табан үхибүүдтээ дуунуудые заадаг, һургадаг бэлэй.
Үшөө харуулха
