Аха дүү Монгол арадай түлөөлэгшэд албанай хэрэгээр Буряадтамнай морилбо. Улаан-Баатар хотын мэр Долгорсурэн Сумъяабазар түрүүтэй бүлэг мэргэжэлтэд Улаан-Үдын авиазавод, ЛВРЗ, Ядерна эмнэлгын түб хүрэһэн байна.
Намарай намжаа хаһын эдэ үдэрнүүдтэ Тамчын тала дайдаар ЦАМ хатарай хүгжэмэй абяан холо ойгуур сууряатажа, газар доһолһондол болоо. Хэдэн зуугаад жэлэй саана Тамчын дасанай дэбисхэр дээрэ эди шэдитэй шажанай хатар анха түрүүшынхиеэ гүйсэдхэгдөө һэн.
С.Ц. Ринчинов Санага нютагта түрэһэн намтартай. Д.Банзаровай нэрэмжэтэ багшын дээдэ һургуули дүүргээ. Мэлын, Санагын һургуулинуудта багшалаа. Аймагай “Ажалай туг” редакцида ажаллаа, нэгэ үедэ «Уран Дүшэ” нэгэдэлые хүтэлбэрилөө. Мүнөө Сэнгэ Цыренович «Буряад үнэн” сониндо амжалтатай ажаллана. Удха найруулгын талаар угаа зохид толилолгонуудые дурадхажа, уншагшадые һонирхуулжа, хужарлуулжа байдаг. Уран гуурһатай, дүй дүршэл ехэтэй хүндэтэ сурбалжалагшамнай гээд мэдээжэ. С.Ц. Ринчинов - Ород Уласай Сэдхүүлшэдэй холбооной гэшүүн, Буряад Уласай соелой габьяата хүдэлмэрилэгшэ мүн. Мүнөө нэгэ зураглалыень хуряангыгаар уншагшадай һонорто табия.
А.А. Будаев Утаата һууринда 1979 ондо түрэһэн намтартай. Һургуулиин һурагша ябахаһаа эхилээд, уран зохеолдо ульһатай болоһон. Шүлэгүүдэй дүрбэн номой автор. Ород Уласай Уран зохеолшодой холбооной гэшүүн. Амгалан Александрович буддын шажанда зорюулагдаһан темээр гүнзэгы һонирхолтой номуудые уншадаг шуналтай. Гадна хүн зониие массажай аргаар эмшэлдэг долеобортоо домтой, эрхыдээ эмтэй мэргэжэлтэн юм. Шажанай асуудалнуудаар онсо һонирходог тула энэ темээр философско удхатай номуудые шэнжэлэн шудалжа, өөрынгөө мэдээсэтэй ниилүүлэн, өөр янзаар найруулдаг. Мүнөө эгээл иимэ зохёолойнь нэгэнһээ хэһэг толилхомнай.
Сентябриин 17-до Тамчын дасанай 280 жэлэй ойдо зорюулагдаһан найрай үедэ тэрэ олоной һонорто дурадхагдаха.
Георгий Абрамович Липскеров (1896—1977) — эрхэтэнэй дайнда (1918-1921онуудта) хабаадаһан Зүблэлтэ ороной фотограф ба кинодокументалист. 1923 онһоо гэрэл зурагуудые буулгажа эхилээ һэн. «Союзфото» эмхидэ фото-сурбалжалагшаар, удаань ТАСС-ай фотохроникодо хүдэлөө. 1943 ондо немецкэ фельдмаршал Паулюсые баряанда абахада буулгаһан юм. Дайнай дүүрэхэдэ ТАСС-ай тусхай фото-сурбалжалагшаар хүдэлөө. Буряад-Монгол ороноор 1938 ондо ажалайнгаа хэрэгээр ябаһан байна.
Сентябриин 20-23-ай үдэрнүүдтэ нэмэлтэ һуралсалай багшанарай “Сердце отдаю детям!” гэһэн бүхэроссиин урилдаанай финальна шата Красноярск хотодо үнгэргэгдэхэнь. Шэлэн абалгын хэдэн шатануудай удаа Буряадай түлөөлэгшэ тиишээ ошохо эрхэдэ хүртэбэ. Энэ хэн бэ гэбэл, Эхэ орондоо дуратайгаар хүмүүжүүлгын, аяншалгын, бэе тамирай ресурсна түбэй багша Михаил Воробьёв болоно.
Театрай долоон хоногой» хэмжээн соо Хэжэнгын арадай театр Цырегма Сампиловагай «Найдалай хүсэн» гэжэ зүжэг сентябриин 7-до Буряадай гүрэнэй драматическа театрай тайзан дээрэ дэлгээгээ.
“Үльгэр” театрай артист Алдар Хишектуев энэ зүжэг “плейбек” гэжэ шэнэ түхэлөөр найруулан табяа. Тэрээнииень жюриин гэшүүд онсо тэмдэглээд, тусхай шан барюулаа.
2000 оной 8 һарын 4-һөө 8 болотор Дорнод аймагай Дашбалбар сомондо Бүгэдэ Буряадай ээлжээтэ «Алтаргана» наадан үнгэрөө бэлэй. Сомоной түб стадион дээрэ бүхэ барилдаанай мүрысөөн зарлагдажа, олоной анхарал татаа һэн. Агын телерадиокомпаниһаа нааданай ябасые олондо мэдээсэхэ үүргэтэй ошоһон телеоператор Шираб-Нимбу Самбуев бидэ хоёр барилдаанай ябаса буулганабди.
Барга зоной ээлжээтэ фестиваль Монгол ороной Дорнод аймагта үнгэргэгдэжэ, нэгэ уг унгитай зониие суглуулба. Заншалта ёһоороо Баргажан голһоо гарбалтан тэрэ нааданда амжалтатай хабаадалсаа. Эгээл түрүүшын иимэ наадан 2007 ондо эмхидхэгдэһэн юм. Тиихэдэ Буряадаймнай мэдээжэ дуушан, Баргажан голһоо уг гарбалтай Цыпилма Аюшеева уригдажа, тэрэ нааданда гансаараа хабаадажа ерэһэн байна. Харин мүнөө энэ нааданда түүхэ шудалагшад Жорж Мангутович Абзаев, Гомбоев Баир Гомбоевич, дуушад Саян Юрьевич Бальжиев мүн Цыпилма Очировна Аюшеева гэгшэд хүндэтэ айлшад боложо хабаадаа.
Ород Уласай түрүү хирург эмшэд Буряадтамнай ажалаа ябуулха. Буряад Уласай хүүгэдэй эмнэлгын газарта Алас Дурнын тойрогой III хуралдаан эмхидхэгдэхэнь.
Монгол орондо түмэр замай шэнэ харгы ашаглалгада тушаагдаба. Тэрэнь Хитад руу ашагта малтамалнуудаа худалдахадань тон туһатай. Урид автомашинаар ашаагаа шэрэхэдээ, хилэ дээрэ яһала сагаа барадаг бэлэй. Тус замай ашаар 30-50 сая тонно нүүрһэн хилэ гарадаг болгогдохонь бшуу. Үшөө тиихэдэ Монгол орон далайн портнуудта шэнэ замаар ашаануудаа шэрэхэ аргатай болобо.
Үндэр уулата Ахын аймагай Өөрлигэй дунда һургуулиин буряад хэлэнэй болон уран зохёолой багша Бүхэроссиин хэмжээнэй мэргэжэлтэ урилдаанда хабаадаха эрхэдэ хүртэбэ. Арюна Буяндэлгэровна Иванова «Түрэл хэлэнэй болон уран зохёолой эрхим багша» гэһэн урилдаанда хабаадана.
Алас Дурна зүгэй экономическа хуралдаанай дүүрэхэтэй сасуу Зүүн-Урда Азида оршоһон Мьянма гүрэнэй түлөөлэгшэд Улаан-Үдэ хото айлшаар буубад. Буряад оромнай холын айлшадта үйлэдбэриин, аяншалгын талаар һонирхол түрүүлһэн байха юм. Холын айлшадые заншалта ёһоороо алда хадагаар, амтан хилээмээр угтаа.
Сентябриин 11-һээ 18 болотор Ставрополиин хизаарта «Түрэлхи хэлэ ба уран зохёолой эрхим багша» гэһэн бүхэроссиин конкурс үнгэржэ байнхай.
Буряад Уласай Толгойлогшо Алексей Цыденов Алас Дурные ба Арктикые хүгжөөхэ Корпорацитай Хяагтада ашаа тээбэри зөөлгын-эд хэрэгсэлэй шэнэ терминал байгуулха тухай хэлсээ баталаа.
«Буряад орондо бүтээгдээ» гэһэн үзэсхэлэн ВЭФ-2022 хуралдаанай үедэ Алас Дурнын Гудамжада дэлгэгдээ. Республикын 30 үйлэдбэрилэгшэд болон урашуул 500-һаа үлүү зүйлнүүдые олоной һонорто табиһан байха юм. Алас Дурнын ба Арктикын хүгжэлтын сайд Алексей Чекунков павильондо ерэжэ, үзэмжэтэй танилсаа.
Буряадай компанинууд Бүхэроссиин «Жэлэй экспортёр» урилдаанай тойрогой шатада шангай 11 һуури эзэлээ.
Буряадай түлөөлэгшэд ниигэмэй һалбариин асуудалнуудые Зүүн зүгэй экономическа хуралдаанай хоёрдохи үдэртэ зүбшэн хэлсээ, мүн баһа харилсаануудые тогтоолгын хэдэн хэлсээнүүдые баталаа. Алас Дурнын тойрогто аяншалга хүгжөөлгын панельнэ сессинүүдтэ, Россиин Тамирай яаманай павильоной нээлгэдэ хабаадаа. Буряад орондо интерактивна талмайнуудые байгуулха талаар хэлсээн эндэ баталагдаа.
Үшөө харуулха
