658
Августын 17, гарагай 2, буряад-монгол литээр 5.
5-да багша, шаби болоходо, замда гарахада болон бусажа ерэхэдэ, гүү барихада, мал хүнгэлхэдэ, адуу малай үһэ нооһыень хайшалхада, газар хахалхада, таряа ногоо тарихада, хүүр залахада һайн. Модоор уран дарха хэхые, нүүхые, дэгэл хубсаһа эсхэхые, наһа барагшын үйлэ бүтээхые тэбшэхэ.
“Түрэлнүүдэй” үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ һайн үдэр.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – баялигта.
Августын 18, гарагай 3, буряад-монгол литээр 6.
6-да газар хахалхада, таряа ногоо тарихада, адуу мал номгоруулхада, һургахада һайн. Аралжаа наймаа ябуулхые, адуу малай үһэ нооһыень хайшалхые, эд бараа, адуу мал худалдажа абахые, худалдахые, хажуу тээшэнь үгэхые, дэгэл хубсаһа эсхэхые тэбшэхэ.
“Хэрэмэй” үүдэн нээгдэнэ: гэрэй hуури татахагүй, гэр байра заһабарилхагүй, зөөлгэхэгүй.
Харгыда гарахада, зүүн зүг руу муу, бусад зүг руу гэмгүй.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ һайн үдэр.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада –зүһэ шарай муудаха.
Августын 19, гарагай 4, буряад-монгол литээр 7.
Тэрсүүд үдэр харгыда гарахые, нүүхые, бэриин үйлэ бүтээхые, хүдөө гаргаха гэхэ мэтые тэбшэхэ.
7-до айраг тараг бэрихэдэ, шэнэ гэр бодхооходо, газар уһантай холбоотой ажалнуудые үйлэдэхэдэ һайн. Адуу малай үһэ нооһыень хайшалхые, эд бараа, адуу мал хүнгэлхые, худалдажа абахые, дэгэл хубсаһа эсхэхые, наһа барагшын, бэриин үйлэнүүдые бүтээхые тэбшэхэ.
“Бэриин” үүдэн нээгдэнэ: хурим түрэ наадахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – хэрүүл аман дэлгэрхэ, аминда харша.
Августын 20, гарагай 5, буряад-монгол литээр 8.
Отошо бурханай Дүйсэн үдэр.
8-да адуу мал хүнгэлхэдэ, гаргахада, агнахада, ада шүдхэр дарахада, тушаалда томилходо һайн. Адуу малай үһэ нооһыень хайшалхагүй, хүнгэлхэгүй, эд бараа, адуу мал худалдан абахагүй, газар таряалангай ажал хэхэгүй, ургаса хуряахагүй, дэгэл хубсаһа эсхэхэгүй, оёхогүй, үмдэхэгүй, замда гарахагүй, бэриин хэрэг бүтээхэгүй, хүүр залахагүй.
“Үхээриин” үүдэн нээгдэнэ: наһа барагшын хэрэг үйлэдэхэгүй.
Энэ үдэр “морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.
Хүүгэдэй хэшэг даллага абахада һайн үдэр.
Тахяа, үхэр, могой жэлтэй хүнүүдтэ хии мориёо хиидхэхэдэ һайн.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – наhан утадхаха.
Августын 21, гарагай 6, буряад-монгол литээр 9.
9-дэ замда гарахада, тушаалда дэбжүүлхэдэ, адуу мал номгоруулхада, һургахада, хубсаһа хунар эсхэхэдэ, аралжаа наймаа ябуулхада һайн. Адуу малай нооһыень хайшалхые, адуу мал хүнгэлхые, эд бараа, адуу мал худалдан абахые, хурим түрэ наадахые, хүүр залахые тэбшэхэ.
“Үхэлэй” үүдэн нээгдэнэ: наһа барагшын хэрэг үйлэдэхэгүй.
Харгыда гарахада, урда зүг руу муу, бусад зүг руу һайн.
Амгалан тайбанай, хониной хэшэг даллага абахада һайн.
Хонин, тахяа, бишэн жэлтэнэй урагшатай һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – үбшэндэ.
Августын 22, гарагай 7, буряад-монгол литээр 10.
Бадмасамбавын дүйсэн үдэр.
10-да тушаалда томилходо, дэгэл хубсаһа эсхэхэдэ, айраг тараг бэрихэдэ, газар хахалхада, таряа ногоо тарихада, адуу малай үһэ нооһыень хайшалхада һайн. Эд бараа, адуу мал худалдажа абахые, замда гарахые, гэр байра барихые, бэриин үйлэ бүтээхые тэбшэхэ.
“Ниитын” үүдэн нээгдэнэ: суглаа зарлахагүй, шухала уулзалгада муу.
Энэ үдэр харгыда гарахада муу, илангаяа баруун зүг руу муу.
Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ һайн үдэр.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха.
Үһэеэ абхуулхада – жаргалда.
Августын 23, гарагай 1, буряад-монгол литээр 11.
11-дэ шэнэ гэр, байшан бодхооходо, пеэшэн табихада, үриеэ бусаахада, газар таряалангай хэрэгүүдые бүтээхэдэ, гүү барихада, адуу мал номгоруулхада, һургахада, мал хүнгэлхэдэ, гаргахада, түрэ найр хэхэдэ һайн. Дэгэл хубсаһа эсхэхэдэ, адуу малай үһэ нооһо хайшалхада, эд бараа, адуу мал худалдан абахада, худалдахада, адуу мал һургахада муу.
“Айлшанай” үүдэн нээгдэнэ: айлшадые урихагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
Луу жэлтэнэй урагшатай һайн гараг.
Үһэеэ абхуулхада – ухаан хурсадаха.
Жаргал лама Дугданов бэлдэбэ.
Фото: Анна Огороднигой гэрэл зураг.
