Буряад-монгол зурхай августын 31-һээ сентябриин 6 болотор

Августын 31, гарагай 2, буряад-монгол литээр 18.

Амгалан жаргалантай Дашанима үлзытэ үдэр абишиг (Ваан) хайрлахада, һайтар бай­гуулхада (рамнай үргэхэдэ) һайн.

18-да гал тахихада, пеэшэн табихада, ай­раг тараг бүрихэдэ, адуу малай нооһыень хайшалхада, хүнгэлхэдэ, газар хахалхада, таряа ногоо тарихада һайн. Замда ябахые, дэгэл хубсаһа эсхэхые, эд бараа, адуу мал ху­далдан абахые, наһа барагшын хэрэгүүдые бүтээхые тэбшэхэ.

«Үхэлэй» үүдэн нээгдэнэ: хүүр залахагүй.

Энэ үдэр харгыда гарахада муу, илангаяа зүүн зүг руу.

Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мо­риёо хиидхэхэдэ һайн үдэр.

Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.

Үһэеэ абхуулхада – гарза гараха.

Сентябриин 1, гарагай 3, буряад-монгол литээр 19.

19-дэ харгыда ябахада, шэнэ гэр бодхоо­ходо, газар хахалхада, таряа ногоо тарихада һайн. Адуу малай нооһыень хайшалхые, ур­гаса хуряахые, эд бараа, адуу мал худалдан абахые, худалдахые, тушаалда дэбжүүлхые, бэриин, наһа барагшын үйлэнүүдые бүтээхые тэбшэхэ.

«Үхэлэй» үүдэн нээгдэнэ: хүүр залахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Амгалан тайбанай, баялигай хэшэг дал­лага абахада; хулгана, луу, бишэн жэлтэй хүнүүдтэ хии мориёо хиидхэхэдэ һайн үдэр.

Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг яба­ха хэрэгтэй.

Үһэеэ абхуулхада – Бурхан багшын һургаал дэлгэрхэ.

Сентябриин 2, гарагай 4, буряад-монгол литээр 21 (20 таһарба).

21-дэ эд бараа, адуу мал худалдан абаха­да, худалдахада, газар таряанай хэрэгүүдые үйлэдэхэдэ, замда ябахада һайн. Бэриин хэрэгүүдые бүтээхэдэ, дэгэл хубсаһа эсхэ­хэдэ, тушаалда томилходо, адуу малай үһэ нооһо хайшалхада, халуун уһанда ороходо муу.

«Айлшанай» үүдэн нээгдэнэ: айлшадые урихагүй.

Энэ үдэр харгыда гарахада, урда зүг руу муу, бэшэ зүг руу һайн.

Амгалан тайбанай, мориной хэшэг дал­лага абахада; бар, морин, нохой жэлтэй хүнүүдтэ хии мориёо хиидхэхэдэ һайн.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Мо­рин, могой жэлтэн һэргэг байхые оролдог.

Үһэеэ абхуулхада – халдабарита үбшэндэ.

Сентябриин 3, гарагай 5, буряад-монгол литээр 22.

22-то бэшэг номдо, зурхайда, урлаха арга­нуудта һурахада, шэнэ гэр байшан бодхоохо­до, пеэшэн табихада, газар хахалхада, таряа ногоо тарихада, эд бараа, адуу мал худалда­хада, худалдан абахада, адуу мал һургахада, гаргахада, үһэ нооһыень хайшалхада һайн. Замда гарахые, тушаалда томилхые, гэр ба­рихые, хубсаһа эсхэхые, наһа барагшын, бэ­риин үйлэнүүдые бүтээхые тэбшэхэ.

«Наймаанай» үүдэн нээгдэнэ: олзын хэрэг эрхилхэгүй.

Энэ үдэр харгыда гарахада муу, илангаяа баруун зүг руу.

Амгалан тайбанай, хүүгэдэй хэшэг далла­га абахада, тахяа, үхэр, могой жэлтэй хүнүүдтэ хии мориной дарсаг хиидхэхэдэ һайн үдэр.

Бар, туулай жэлтэнэй урагшатай үдэр, ха­рин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – үбшэндэ.

Сентябриин 4, гарагай 6, буряад-монгол литээр 23.

23-да гал тахихада, дэгэл хубсаһа эсхэхэ­дэ, замда гарахада, газар хахалхада, таряа ногоо тарихада, адуу малай үһэ нооһыень хайшалхада, шэнэ гэр барихада, пеэшэн та­бихада, уһанай хаалта бодхооходо һайн. Эд бараа, адуу мал худалдахагүй, худалдажа абахагүй, худаг, һубаг малтахагүй, нүүхэгүй, тушаалда томилхогүй.

«Хүбүүнэй» үүдэн нээгдэнэ: хүүгэдэй шу­хала хэрэг бүтээхэгүй, үһыень абахагүй, гэрһээ холо эльгээхэгүй.

Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.

Амгалан тайбанай, хониной хэшэг далла­га абахада һайн.

Хонин, тахяа, бишэн жэлтэнэй урагшатай һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – баялигта.

Сентябриин 5, гарагай 7, буряад-монгол литээр 24.

24-дэ анда нүхэд, багша шаби болоходо, хубсаһа хунар эсхэхэдэ, газар хахалхада, та­ряа ногоо тарихада, адуу мал хүнгэлхэдэ, эд бараа, адуу мал худалдан абахада, худалда­хада һайн. Адуу малай нооһыень хайшалхые, замда гарахые тэбшэхэ.

«Сэрэгэй» үүдэн нээгдэнэ: сэрэг хүдэлгэхэгүй, заргалдахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Амгалан тайбанай, таряанай хэшэг дал­лага абахада һайн. Бар, морин, нохой жэлтэй хүнүүдтэ хии мориёо хиидхэхэдэ һайн үдэр.

Үхэр жэлтэнэй урагшатай гараг; бар, ту­улай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг бай­ха.

Үһэеэ абхуулхада – үбшэндэ.

Сентябриин 6, гарагай 1, буряад-монгол литээр 25.

Хандамаанарай дүйсэн үдэр.

25-да гал тахихада, замда гарахада, хубсаһа хунар эсхэхэдэ, шэнэ гэр барихада, газар хахалхада, таряа ногоо тарихада, ма­лай нооһо хиргахада, мал гаргахада, эд ба­раа, адуу мал худалдажа абахада, аралжаа наймаа хэхэдэ, наһа барагшын хэрэгүүдые бүтээхэдэ һайн.

«Түрэлнүүдэй үүдэн нээгдэнэ: түрэл га­ралнуудтаяа найрлахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Энэ үдэр амгалан тайбанай, эдеэ унда­най, баялигай, адуу малай хэшэг даллага абахада һайн.

Луу жэлтэнэй урагшатай һайн гараг.

Үһэеэ абхуулхада – үбшэндэ, нюдэн бүрэлзэхэ.

Жаргал лама ДУГДАНОВ бэлдэбэ