Малша арадай эгээл амарха зунай эхин саг дүтэлжэ ерэбэ. Хони ямаад, адуу мал шэмэтэй ногоондо амтархан байжа бэлшэнэ. Шэрүүхэн үбэлэй ута нюрга дабаһан үхэр мал, түрүүшын ногооной шэмэдэ одоошье садана. Түлөө абажа тэнжээһэн малшад табан хушуута малаа бэлшээридэ гаргахадаа, одоошье нюргаа тэниилгэдэг, аршаанда амаржа, бэеэ заһадаг. Тиингүй яахаб даа. Уданшьегүй үбһэнэй халуун хаһа, таряа хуряалган, тэрэнэй саана үнөөхил үбэлжөөн...
Буряадай Толгойлогшо Алексей Цыденов Мухар-Шэбэрэй аймагай Мухар-Шэбэр һууринай 2-дохи һургуулида залган бариһан байшанай нээлгын ёһололдо хабаадаба. 75 һууритай байшан «Болбосорол» гэжэ үндэһэтэнэй түсэлэй шугамаар бодхоогдобо.
Майн 24-дэ Буряад Уласай Үндэһэтэнэй номой санда алдар суута уран шүлэгшэ, уран зохёолшо, оршуулагша, сурбалжалагша ба ниитын ажал ябуулагша, Эсэгэ ороноо хамгаалгын Агууехэ дайнай ветеран, “Буряад Уласай арадай поэт”, “Оросой Холбоото Уласай соёлой габьяата хүдэлмэрилэгшэ” гэһэн хүндэтэ нэрэ зэргэнүүдтэ хүртэһэн, СССР-эй Уран зохёолшодой холбооной гэшүүн, Шэтын можын Хүндэтэ эрхэтэн Арсалан Жамбалович Жамбалоной түрэһөөр 100 жэлэй ойн баярта зохёохы үдэшэ үргэн дэлисэтэйгээр үнгэрбэ.
«Нүүдэлшэдэй ая дуун» фестивалиин ээлжээтэ хаһын эхи мэдүүлжэ, Буряадай гүрэнэй филармониин гол дуушан Дашима Соктоева болон Монгол оронһоо ерэһэн «Чилүүгэн» гэжэ бүлгэм Н. Бестужевай нэрэмжэтэ Ород драмын театрта һаяхана тоглолто табиба.
Оршон сагта худам (босоо) монгол бэшэг мэдэхэ зон хомор болонхой гээшэ. XIII зуун жэлдэ Чингис хаанай зарлигаар уйгаржан үзэгүүдэй үндэһэн дээрэ худам монгол бэшэг бии болоһон. Гайхамшаг энэ бэшэг отог бүриин аялгуу шэлжүүлэн, хамаг монгол туургатаниие нэгэдүүлэн (наддиалектное, централизованное письмо) зохёогдоо юм.
Майн 25-да сагдаанарай ба сэрэгшэдэй хоорондо дзюдогоор уласхоорондын XVIII турнир үнгэргэгдэбэ. Турнир албанай уялга дүүргэжэ ябаһаар наһа бараһан мэргэжэлтэ¬дэй дурасхаалда зорюулагдаа. Тамирай хэмжээ ябуулгын үедэ Буряадай Толгойлогшо Алексей Цыденов шэнэ автомашинануудай түлхюурнүүдые сэрэгэй тусхай операцида наһа бараһан албатадай наһанайнь нүхэдтэ барюулба.
100 мянган хүрэтэр ажаһуугшадтай һууринай һургуулиин, техникумэй ба колледжын багшанар тухай эндэ хэлэгдэнэ. Нэмэгдэһэн түлбэри һургуулида класс хүтэлдэг 4662 багша, тусхай дунда мэргэжэлэй 16 эмхиин 254 куратор абаа.
Улаан-Үдын һурагшад ГРЭС-эй элдэб түхеэрэлгэнүүдэй, түбэй химическэ лабо¬раториин ажалтай танилсаба. Үхибүүд үйлэдбэриин ажалаар ехэтэ һонирхожо, олон асуудалнуудые табиба. «Автома¬як-2006» гэһэн хизаарлагдамал үүргэтэй эмхи тус экскурси эмхидхээ.
Үнгын олон шубуудай дуугаар хүреэлэгдэһэн ажабайдалтай хүнүүд ута наһа наһалдаг гэжэ эрдэмтэд элирүүлһэн. Хүнэй бэе генетикын зэргэдэ шубуудай абяантай холбоотой. Далитай нүхэдэй аятай жэргээниинь хүнэй уураг тархида баяр жаргалангай мэдэрэлнүүдые түрүүлжэ, сэдьхэлэй байдалда ба бүхы бэеын органуудта ёһото эм домто нүлөө үзүүлдэг.
Буряад ороноймнай хүдөө аймагуудаар сүлөөгүй хаһа тогтонхой. Тарилгын ажалнууд түлэг дундаа ябуулагдана. Таряалангай талмайнууд дээрэ трактор техникын хүүехэ абяан эртэ үглөөнһөө үдэшэ орой болотор сууряатана. Механизаторнууд тракторһаа бууха сүлөөгүй ажалаа хэнэ.
Людмила Бальжурова Буряад ороной «2024 оной эрхим хүмүүжүүлэгшэ» гээд тодоруулагдаба. Тэрэ ниислэл Улаан-Үдэ хотымнай 35-дахи “Алые паруса” гэһэн сэсэрлигтэ хүдэлдэг юм.
Байгша оной могой һарын 15-да Буряадаймнай мэдээжэ дуушан Дугаржаб Цыренович Дашиев мэндэ ябаа һаа, 85 наһанайнгаа үндэр дабаа дабаха һэн. Үндэр наһа наһалаагүй, хада гэртээ хариһандань шаналмаар. Теэд яахабши даа, алтан дэлхэйн жама ёһо гээшэ ха юм даа.
Һаяхана Улаан-Үдэ хотын Түбэй стадион дээрэ Буряад орондо ажаһуудаг Ага нютагаархид сугларжа, тамирай тэмсээ эмхидхэбэ. Һүүлэй үедэ жэл бүри үнгэргэгдэжэ, заншалта болоод байһан энэ найрта тойрогой һуурин, тосхон бүхэнһөө гараһан зон эдэбхитэйгээр хабаадаа. Энэшье удаа 24 нютагай мянга хоёр зуу гаран хүн тэмсээнэй талмай дээрэ гараба.
Майн 17-до Россиин Юрэнхылэгшэ Владимир Путин VIII Экспо үзэсхэлэн нээбэ. «Хамтын ажал, хоёр талын этигэл ба арга боломжонууд» гэһэн уряа үгэнүүд доро эмхидхэгдэһэн үзэсхэлэн орос- хитад гадаадын харилсаанай байгуулагдаһаар 75 жэлэй ойдо зорюулагдаа.
Буряад Уласта Бүхэроссиин «Жэлэй эрхим бүлэ» конкурсын ню¬таг можын шата үнгэргэгдэбэ. Кон¬курсын түгэсхэлэй шатада хабаадаха 5 бүлэ тодорхой¬логдоо. Дүн хамта уласай 53 бүлэ тэм-сээндэ хабаадаа.
Буряад Улас «Байгал. Буряад орон. Хүсэ шадалай газар» гэжэ нэрлэгдэһэн сэсэгүүдэй экспозици «Ерээдүймнай сэсэгүүд соо» (6+) фестивальда табигдаба. Сэсэгүүдэй фестиваль майн 21-һээ июлиин 8 болотор «Россия» үзэсхэлэн-хуралдаанай шугамаар эмхидхэгдэнэ. ВДНХ-гай нэгэ талмай дээрэ Россиин бүхы нютаг можонуудай 89 композици дурадхагдаха.
Байгша ондо тамирай шэнэ 3 танхим бодхоохо түсэб бии. Энэ хэрэгтэ холбоото уласай ба нютаг можын бюджедүүдһээ 153,06 сая түхэриг шэглүүлэгдэхэ.
Үшөө харуулха
