Хадхууртайхан хасууриин нааданууд сэсэрлигүүдтэ болон һургуулинуудта хаа-хаанагүй үнгэрнэ. Ходорон ошожо байһан жэлээ үдэшэжэ, шэнэ, 2023 он угтаха сагай болотор 5 үдэр үлэбэ. Үльгэрэй Жабар үбгэн Саһан хүүхэн зээ басагантаяа арад зоноо амаршалхадаа, заатагүй гарай бэлэгүүдые, амтатайхан шэхэр барюулдаг. Эгээл эдэ бэлэгүүд тухай - манай зураглал соо.
“1992 онһоо 2010 он болотор Захааминай аймагай болбосоролой хороое даажа байһамби. Энэ үе соо ямаршье һайн, эрхим бэрхэ багшанартай хүдэлөө гээшэбиб гэжэ омогорхожо ябадагби”, - гэжэ болбосоролой эрдэмэй дид-доктор, мүнөө Ивалгын аймагай Хойто Бэеын дунда һургуулиие захирдаг Владимир Бадмаев дурсана.
Шэнэ жэлые угтахадаа, ямар хасуури шэлэхэб: амиды модо гү, али хэмэл ёлко? Нэгэ хэды жэлэй саада тээ тус асуудалда ехэнхи зон: «Оршон тойронхи байгаалияа аршалхын тула хэмэл ёлко абаха хэрэгтэй. Хэмэл хасуури амиды мододые абарна ха юм», - гэжэ харюусадаг байгаа.
Һаяхана Северобайкальск хотын толгойлогшо Олег Котов Баир Дандаровые амаршалба. “Северобайкальск хотын хүндэтэ эрхэтэн” гэһэн нэрэ зэргэ боксын мэдээжэ һоригшодо, уласхоорондын хэмжээнэй шүүгшэдэ олгуулагдаа.
Захааминай аймагай Закаменск хотын хуушарһан гэрнүүдтэ ажаһуугшад шэнэ байрануудай түлхюурнүүдые абаба. 12 гэр бүлэ һаяын сагта мүнөө үеын бүхы эрилтэнүүдээр баригдаһан хоёр дабхар гэртэ зөөжэ орохонь.
Буряад–монголшуудай элинсэгүүд болохо талын хүннүүдэй литээр мүнɵɵ 2846 он мүндэлхэнь. Шэнэ жэлые хасуури модо шэмэглэжэ угтадаг заншал нэн түрүүн 500 жэлэй саада тээ Германида бии болоhон гэжэ түүхын номууд соо бэшэгдэhэн.
Буряад Уласай Толгойлогшын харгалзалга доро үнгэргэгдэдэг заншалта хасууриин наадан энэ удаа Эхэ оронойнгоо амгалан байдал сахижа ябаһан сэрэгшэдэй үхибүүдтэ зорюулагдаба.
Эдэ үдэрнүүдтэ оюутад үбэлэйнгөө хаһын шалгалтануудые тушаажа эхилхэнь. Дээдэ гү, али дунда һуралсалай гуламтануудта һураһан ондо ондоо үеын һурагшад шалгалта тушааһанаа хөөрэжэ үгөөд, зүбшэлнүүдые залуу халаанда дурадхаһан байна.
Байгша оной декабриин 16-да Эдир сэдхүүлшэдэй эблэл байгуулагдаһаар 30 жэлэйнгээ ойн баярта Буряадай Болбосоролой болон эрдэм ухаанай яамантай хамта “Мүнөөдэрэй медиа-талмайн хүмүүжүүлхы арга боломжо” гэжэ бүхэроссиин эрдэмэй-практическа хуралдаа эмхидхээ. Москва, Екатеринбург, Владивосток, Казань болон Санкт-Петербург хотонуудһаа хабаадагшад энэ хуралдаанда оролсоо.
“Аюулгүй шанартай харгынууд” гэһэн үндэһэтэнэй түсэлэй шугамаар бэелүүлэгдэһэн хэмжээ ябуулгануудай дүнгүүд эндэ һая болоһон суглаан дээрэ согсологдобо. Үбэр Байгалай хизаарай Засагай газарай Түрүүлэгшын орлогшо-Агын Буряадай тойрогой Хүтэлбэрилэгшэ Буянто Батомункуев суглаа хүтэлэн ябуулаа.
Декабриин 15-да Буряад Уласай Үндэhэтэнэй номой сан соо Хурамхаанай дасанай шэрээтэ, элитэ блогер – лама, Буряадай Уран зохёолшодой холбооной гэшүүн Олег Найданович Намжиловай «Буддын шажан тухай юрын үгэнүүдээр» гэhэн шэнэ номтой танилсуулга үнгэргэгдэбэ.
Хориин, Яруунын болон Хэжэнгын аймагуудай буряад хэлэ болон уран зохёол заадаг багшанар уулзаба. Хоринск һууринда аймаг хоорондын семинар эмхидхэгдээ.
Буряад Уластамнай ханяадан яһала һүжэрөөд байтараа, нэгэ бага буураба хэбэртэй. Һургуулиин үхибүүдһээшье байха томо зон хамшаглана.
Декабриин 15-да Буряад Уласай Үндэhэтэнэй номой санда элитэ уран зохёолшо, арадай ирагуу найрагша, оршуулагша, этнограф, Россиин ба Буряадай соёлой габьяата хүдэлмэрилэгшэ, хэлэ бэшэгэй эрдэмэй доктор, түүхын эрдэмэй кандидат, Буряад Уласай Гүрэнэй шангай хоёр дахин лауреат Баир Сономович Дугаровай 75 наһанай ойн баярта зорюулагдаhан «Нүүдэлшэнэй одон» гэhэн hайндэртэ хэмжээн үнгэргэгдэбэ.
Буряадай ниислэлэй мэр Игорь Шутенковой зарлигаар Улаан -Yдын Захиргаанда буряад хэлэ хүгжɵɵлгын тусхай комисси байгуулагдаба. Тэрэнэй бүридэлдэ хотын Захиргаанай, Буряадай Засагай газарай, Улаан-Yдын зүблɵɵнэй засаг зургаануудай хүтэлбэрилэгшэд ба эрдэм hуралсалай, Буряад Уласай Олониитын танхимай түлɵɵлэгшэд, эрдэмтэд ба сурбалжалагшад оролсоно.
Ородой Юрэнхылэгшын Зарлигаар ахалагша лейтенант Норполов Эдуард Доржиевичта (наһа бараһан хойнонь) Ородой Геройн нэрэ зэргэ олгогдобо.
Зэдын аймагай Доодо Бургалтай нютагта түрэһэн Виталий Сукуевта сэрэгэй тусхай операцида баатаршалга гаргаһанай түлөө Россиин Герой гэһэн үндэр нэрэ зэргэ олгогдоо һэн.
Фильм Баярмы Жалцановой.
Мүнɵɵдэрэй дугаарай хүндэтэ айлшан - «Эмчи холбоон» гэhэн түбэд – монгол эмнэлгын мэргэжэлтэдэй бүлгэмэй түрүүлэгшэ Зорик Дымбрылов.
Буддын шажанай заншалта Сангхын үүсхэн зохёоһон түсэлнүүд яһала урагшатайгаар бэелүүлэгдэдэг гэжэ мэдээжэ. Буряад арад зон заншалта ажахыгаа һэргээжэ, өөрын мал һүрэгтэй боложо, түрэһэн нютагтаа эзэн ёһоор баян ажаһууһай гэһэн бодолтойгоор Хамба лама Дамба Аюшеев хэдэн жэлэй туршада ажал ябуулдаг юм. Бэе бэедээ дамжуулан үсхэдэг һүрэг хонин, һүүлээрнь буряад үхэрнүүд, адуун болон заншалта үйлэдбэри гэһэн түсэлнүүд бэелүүлэгдэнэ. Һаяхана Монголой мэргэжэлтэдэй туһаламжаар Ивалгын дасанай дэргэдэ нооһо даралгын, арһа элдэлгын үйлэдбэри ажаллажа эхилээ. Хониной арһа элдэлгын цех хүрэжэ, ажалтайнь танилсабабди.
Үшөө харуулха
