Улаан-Үдын тамирай “Патриот” түбтэ Мухар-Шэбэрэй залуушуулай спартакиада февралиин 4-дэ үнгэрбэ. Нютагаархидай эблэлые нилээд удаан хүтэлбэрилһэн Буряадай Арадай Хуралай гурбан зарлалай һунгамал Зоригто Цыбикмитовэй дурасхаалда зорюулагдаһан энэ хэмжээ ябуулга анха түрүүшынхиеэ эмхидхэгдэбэ.
Шатар
Якутск. Саха (Яхад) Уласай Толгойлогшын Кубогта хүртэхын түлөө мүрысөөн эдэ үдэрнүүдтэ эмхидхэгдэбэ. Тус хэмжээ ябуулга Ородой Кубогай 1-дэхи шата боложо үгөө.
Ород гүрэнэй 8 можо хизаарай 50 гаран шатаршадай дунда Москва хотын Борис Грачёв түрүүлһэн байна. Буряадай шатаршан Антон Шомоев 4-дэхи һуурида гараа. Эдир наадагша Артём Солдатов шанга тэмсээндэ 3,5 очко абажа шадаа.
Орёл хотодо заншалта ёһоороо үбэлэй һур харбалгын һайндэр түгэсэбэ. Хахад һарын туршада эндэ аяар зургаан мүрысөөн үнгэргэгдөө. Буряадай тамиршад хэдэн амжалтануудые туйлаһан байна.
Красноярск хотодо “Иван Ярыгинай кубок” гэһэн мүрысөөн үнгэрбэ. Эндэ Буряадай тамиршад гурбан медальда хүртөө. Евгений Жербаев Ирина Ологонова хоёр чемпионууд боложо тодороо. Кристина Тамразян шангай 3-дахи һуури эзэлһэн байна.
Февралиин 10-12-ой үдэрнүүдтэ Ивалгын аймагта шэрээгэй теннисээр можо хизаар хоорондын томо мүрысөөн үнгэрхэнь. Энэ хэмжээ ябуулгада Ород гүрэнэй, Монголой түрүү тамиршад хабаадахаар хараалагдана.
Ехэшүүлэй дунда Ородой чемпионадта Буряадай харбагшад 4 медаль абаад, баяртайнууд Ородой Кубогта хабаадахаяа бэлдэлгэ хээ.
Заншалта ёһоороо Ород гүрэнэй томо мүрысөөнүүд январь һарада үнгэрнэ. Энэшье удаа Орёл хотодо хойно хойноһоо хэмжээнүүд эмхид¬хэгдэнэ. Эрэмдэг бэетэй тамир¬шадай дунда Ородой Кубогта, ехэшүүлэй дунда Ородой чемпионадта Буряадай түлөөлэгшэд һайн дүнгүүдые харуулба.
Буряад Уласта һур харбалгаар эхи табигшадай нэгэн болохо Борис Сандановай мүнхэ дурасхаалда зорюулагдаһан бүхэроссиин мүрысөөн заншалта ёһоороо Шэнэ жэлэй һайндэрнүүдэй үедэ эмхидхэгдээ.
Хабарай түрүүшын үдэрнүүдтэ Байгал шадарай аймагта хүдөө аймагуудай тамиршад үбэлэйнгөө ээлжээтэ наадануудта суглархань. 900 гаран хүн спортын найман зүйлөөр мүрысэхэнь. Уласай хүдөөгэй спортын нааданууд Буряад Уласта 16-дахияа эмхидхэгдэхэнь гээд хэлэлтэй. “Буряадай сагаан Олимпиада” гэжэ алдаршаһан хэмжээ ябуулга болоно.
Үнгэрэгшэ амаралтын үдэрнүүдтэ Баргажанай аймагай түб һууринда мэдээжэ багша, һоригшо, бэрхэ хүтэлбэрилэгшэ Чингис Заятуевич Эрдыниевэй мүнхэ дурасхаалда зорюулагдаһан эдиршүүлэй дунда барилдаагаар мүрысөөн үндэр хэмжээндэ боложо үнгэрбэ. Баргажан голой болон Ивалгын, Хориин аймагуудые, мүн Улаан-Үдэ хотые түлөөлһэн эдир барилдаашад анамана тулалдажа, эрхимүүдээ элирүүлһэн байна.
Үнгэрһэн 2022 ондо Буряад ороноймнай шатаршад оло дахин амжалтануудые туйлажа, нютаг нугаяа холо ойгуур суурхуулаа. Буряадай Шатарай федерациин хүтэлбэрилэгшэ, Арадай Хуралай хорооной түрүүлэгшэ, эхэнэрнүүдэй дунда уласхоорондын гроссмейстер Инна Ивахиновада жэлэй дүнгүүд тухай тобшохоноор хөөрэжэ үгэхыень хандаһан байнабди.
Улаан-Үдэ хотодо тамирай талаар 2022 оной дүнгүүд согсологдожо, түрүү тамиршад шангуудта хүртэбэ.
Мини-футбол . Нижегородско можо. Хүүгэдэй гэрнүүдэй болон интернат-һургуулинуудай дунда заншалта бүхэроссиин фестиваль үнгэргэгдэбэ. 2021 ондо наһанай хоёр бүлэгтэ түрүү һуури эзэлһэн Хэжэнгын интернат-һургуулиин шабинар энэшье удаа һайн дүн харуулжа шадаа.
Валерий Манзаракшеевич Сыдеев амиды мэндэ ябабал, 2022 ондо 75 наһанайнгаа ойн баяр угтаха байгаа. Мүнхэ дурасхаалдань зорюулагдаһан Буряад Уласай ээлжээтэ мүрысөөн декабриин 17-до үнгэргэгдэбэ. Эндэ 24 наһа хүрөөдүй тамиршад хабаадаһан байна.
Буряадай тамиршад хэдэн мүрысөөнүүдтэ амжалтатайгаар хабаадаһан байна. Америкэдэ, Краснодар болон Якутск хотонуудта тэдэ шангай һууринуудые эзэлһэн байна.
Беларусь Уласай ниислэл Минск хотодо тхэквондогоор дэлхэйн кубогта хүртэхын түлөө мүрысөөн түгэсэбэ. Ородой суглуулагдамал командын бүридэлдэ Буряадай тамиршад оруулагдажа, ялас гэмэ амжалтануудые туйлаба.
Түргэн шатараар Ородой Кубогта хүртэхын түлөө мүрысөөнэй түгэсхэлэй шатада Жамсаран Цыдыпов шангай 2-дохи һуури эзэлээ.
Ород гүрэнэй залуу харбагшад заншалта ёһоороо ноябрь һарын һүүл багаар “Надежды России” гэһэн бүхэроссиин мүрысөөндэ уулзадаг юм. Энэ удаа Буряадай тамиршад дүрбэн медальда хүртэһэн байна.
Ноябриин эхиндэ Волгоград хотодо универсальна тулалдаагаар дэлхэйн чемпионат үнгэрөө. Буряад Уласай багшанарай колледжын дэргэдэхи “Олимп” гэһэн спортын клубай гэшүүд ялас гэмэ амжалтануудые туйлаа. Даша Жамбалов хоёрдохиёо дэлхэйн чемпион боложо тодороо. Виктор Бадмаев, Виталий Ананин гэгшэд хүрэл медальнуудаар шагнагдаа.
Үнгэрһэн долоон хоногой эсэстэ 16 наһа хүрөөдүй барилдааша хүбүүдэй дунда бүхэроссиин мүрысөөн үнгэргэгдэбэ. Буряадай түүхэдэ алтан үзэгөөр нэрэеэ бэшүүлһэн Сергей Жалсанович Замбаловай мүнхэ дурасхаалда тус хэмжээ ябуулга зорюулагдаа.
Үшөө харуулха
