Буряад-монгол зурхай июлиин 14-һөө 20 болотор

Июлиин 14, гарагай 2, буряад-монгол литээр 19.

19-дэ харгыда ябахада, шэнэ гэр бодхооходо, га­зар хахалхада, таряа ногоо тарихада һайн. Адуу ма­лай нооһыень хайшалхые, эд бараа, адуу мал худал­дан абахые, бэриин, наһа барагшын үйлэнүүдые бүтээхые тэбшэхэ.

Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ һайн үдэр.

“Үхэлэй” үүдэн нээгдэнэ: хүүр залахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.

Үһэеэ абхуулхада – Бурхан багшын һургаал дэл­гэрхэ.

Июлиин 15, гарагай 3, буряад-монгол литээр 20.

20-до эд бараа, адуу мал худалдажа абахада, ху­далдахада, дэгэл хубсаһа эсхэхэдэ, газар хахалхада, таряа ногоо тарихада, адуу малай үһэ нооһыень хай­шалхада һайн. Бэриин үйлэнүүдые бүтээхые, замда ябахые тэбшэхэ.

Амгалан тайбанай, баялигай хэшэг даллага абаха­да; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.

“Айлшанай” үүдэн нээгдэнэ: айлшадые урихагүй.

Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.

Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – үлэсхэлэндэ, ангалгада.

Июлиин 16, гарагай 4, буряад-монгол литээр 21.

21-дэ эд бараа, адуу мал худалдан абахада, газар таряанай хэрэгүүдые бүтээхэдэ, замда ябахада һайн. Бэриин хэрэгүүдтые бүтээхэдэ, дэгэл хубсаһа эсхэхэ­дэ, адуу малай үһэ нооһо хайшалхада, халуун уһанда ороходо муу.

Амгалан тайбанай, мориной хэшэг даллага абаха­да; бар, морин, нохой жэлтэй хүнүүдтэ хии мориёо хиидхэхэдэ һайн.

“Айлшанай” үүдэн нээгдэнэ: айлшадые урихагүй.

Энэ үдэр харгыда гарахада муу, илангаяа баруун зүг руу.

Хулгана, гахай жэлтэнэй һайн гараг; үхэр, луу, но­хой жэлтэнэй буян үйлэдэхэ үдэр. Морин, могой жэл­тэн һэргэг байхые оролдог.

Үһэеэ абхуулхада – халдабарита үбшэндэ.

Июлиин 17, гарагай 5, буряад-монгол литээр 22.

22-то бэшэг номдо, зурхайда, урлаха аргануудта һурахада, шэнэ гэр байшан бодхооходо, газар ха­халхада, таряа ногоо тарихада, эд бараа, адуу мал ху­далдан абахада, һургахада, гаргахада, үһэ нооһыень хайшалхада һайн. Замда гарахые, дэгэл хубсаһа эс­хэхые, наһа барагшын, бэриин үйлэнүүдые бүтээхые тэбшэхэ.

Амгалан тайбанай, хүүгэдэй хэшэг даллага абаха­да һайн.

“Наймаанай” үүдэн нээгдэнэ: олзын хэрэг эрхилхэгүй.

Энэ үдэр харгыда гарахада муу, илангаяа баруун зүг руу.

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн үдэр. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – эдеэн, ундан элбэгжэхэ.

Июлиин 18, гарагай 6, буряад-монгол литээр 23.

23-да гал тахихада, дэгэл хубсаһа эсхэхэдэ, замда гарахада, газар хахалхада, таряа ногоо тарихада, адуу мал худалдан абахада, үһэ нооһыень хайшалхада, шэнэ гэр бодхооходо һайн. Адуу мал худалдахагүй, худаг малтахагүй, нүүхэгүй.

Амгалан тайбанай, хониной хэшэг даллага абахада һайн.

“Хүбүүнэй” үүдэн нээгдэнэ: хүүгэдэй шухала хэрэг бүтээхэгүй, үһыень абахагүй, гэрһээ холо эльгээхэгүй.

Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туу­лай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – баялигта.

Июлиин 19, гарагай 7, буряад-монгол литээр 24.

24-дэ замда гарахада, анда нүхэд, багша шаби боло­ходо, хубсаһа хунар эсхэхэдэ, газар хахалхада, таряа ногоо тарихада, адуу мал хүнгэлхэдэ, эд бараа, адуу мал худалдан абахада һайн. Адуу малай нооһыень хайшалхые тэбшэхэ.

Амгалан тайбанай, таряанай хэшэг даллага абаха­да һайн. Бар, морин, нохой жэлтэй хүнүүдтэ хии мо­риёо хиидхэхэдэ, һайн үдэр.

“Сэрэгэй” үүдэн нээгдэнэ: сэрэг хүдэлгэхэгүй, заргалдахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Үхэр жэлтэнэй урагшатай гараг; бар, туулай жэл­тэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.

Үһэеэ абхуулхада – үбшэндэ.

Июлиин 20, гарагай 1, буряад-монгол литээр 25.

Хандамаанарай дүйсэн үдэр.

25-да гал тахихада, хубсаһа хунар эсхэхэдэ, шэнэ гэр бодхооходо, газар хахалхада, таряа ногоо тариха­да, малай нооһо хиргахада, мал гаргахада, эд бараа, адуу мал худалдажа абахада, аралжаа наймаа хэхэдэ, наһа барагшын хэрэгүүдые бүтээхэдэ һайн.

Энэ үдэр амгалан тайбанай, эдеэ унданай, баяли­гай, адуу малай хэшэг даллага абахада һайн.

«Түрэлнүүдэй» үүдэн нээгдэнэ: түрэл гаралнуудта­яа найрлахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Луу жэлтэнэй урагшатай, һайн гараг.

Үһэеэ абхуулхада – үбшэндэ, нюдэн бүрэлзэхэ.

Жаргал лама ДУГДАНОВ бэлдэбэ