508
«Залуушуул ба үхибүүд» гэһэн үндэһэтэнэй түсэлэй хэмжээндэ «Регион для молодых» гэһэн Юрэнхылэгшын түлэбөөр аймаг 2025 ондо илажа гараа һэн. Тэрэнэйнь ёһоор, 167,7 дүрбэлжэн метрэй талмайтай мүнөө үеын залуушуулай түб нээгдэхэ.
- Залуушуулай түбэй түбхинэхэ байшан орожо хараабди. Шэлэн абалга дабажа гараад, федеральна мүрысөөндэ илажа гараабди, мүнгэн һомологдоо. Зэдын, Сэлэнгын аймагуудайхидал адляар эндэ үшөө нэгэ Залуушуулай түб нээхэбди. Тэрэ байшан хүсэд дүүрэнээр һэльбэн шэнэлжэ, зохистой байдал зохёохобди, - гэжэ Алексей Цыденов тэмдэглээ.
Байгуулагдаха Залуушуулай түбэй хажууда «Сфера» гэһэн шэнэ парк бии. Тэндэ соёлой болон олониитын хэмжээ ябуулгануудые үнгэргэхэ талмайнууд түхеэрэгдэнхэй. 300 метрэй зайда юрэнхы болбосоролой дунда hургуули оршодог.
Гадна «Молодёжный» ТОС-ой туһаламжаар Залуушуулай түбтэй зэргэлээд байһан газарта талмай түхеэрэлгэ түсэблэгдэнхэй. Тус түсэлые бэлдэлгэ дээрэ ехэ бүлэг хүдэлөө. Аймагай залуушуулай һанамжа хараадаа абахын тула уулзалганууд, фокус-группанууд үнгэргэгдөө һэн.
Автор: Сэнгэ РИНЧИНОВ бэлдэбэ.
Фото: egov-buryatia.ru сайтһаа зураг.
