Буряад-монгол зурхай августын 4-һөө 10 болотор

Августын 4, гарагай 2, буряад-монгол литээр 10.

Бадмасамбаавын дүйсэн үдэр.

10-да дэгэл хубсаһа эсхэхэдэ, айраг тараг бүрихэдэ, газар хахалхада, таряа ногоо тарихада, адуу малай үһэ нооһыень хайшалхада һайн. Эд бараа, адуу мал худалдажа абахые, замда гарахые, бэриин үйлэ бүтээхые тэбшэхэ.

Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.

«Ниитын» үүдэн нээгдэнэ: суглаа зарлахагүй, шу­хала уулзалга эмхидхэхэгүй.

Энэ үдэр харгыда гарахада муу, илангаяа баруун зүг руу.

Нохой жэлтэндэ һанаһанаа бүтээхэдэ урагша­тай, хонин жэлтэнэй буянай гараг.

Үһэеэ абхуулхада – жаргалда.

Августын 5, гарагай 3, буряад-монгол литээр 11.

11-дэ шэнэ гэр байшан бодхооходо, газар таряалангай хэрэгүүдые бүтээхэдэ, гүү бариха­да, адуу мал номгоруулхада, һургахада, мал хүнгэлхэдэ, гаргахада, түрэ найр хэхэдэ һайн. Дэ­гэл хубсаһа эсхэхэдэ, адуу малай үһэ нооһо хай­шалхада, эд бараа, адуу мал худалдан абахада муу.

Амгалан тайбанай, баялигай хэшэг даллага аба­хада; хулгана, луу, бишэн жэлтэй хүнүүдтэ хии мо­риёо хиидхэхэдэ, һайн үдэр.

«Айлшанай» үүдэн нээгдэнэ: айлшадые урихагүй.

Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.

Морин, могой жэлтэнэй урагшатай үдэр; хулга­на, гахай жэлтэнэй буян үйлэдэхэ гараг. Тахяа, би­шэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – ой ухаан хурсадаха.

Августын 6, гарагай 4, буряад-монгол литээр 12.

12-то айраг тараг бүрихэдэ, тушаалда томилогдо­ходо, газар хахалхада, таряа ногоо тарихада, адуу мал хүнгэлхэдэ һайн. Замда гарахые, эд бараа, адуу мал худалдан абахые, малай үһэ нооһыень хайшалхые, дэгэл хубсаһа эсхэхые тэбшэхэ.

Амгалан тайбанай, мориной хэшэг даллага аба­хада; бар, морин, нохой жэлтэй хүнүүдтэ хии мори­ёо хиидхэхэдэ һайн.

«Наймаанай» үүдэн нээгдэнэ: олзын хэрэг эрхилхэгүй.

Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр; морин, могой жэлтэн һэргэг байхые оролдог.

Үһэеэ абхуулхада – аминда харша.

Августын 7, гарагай 5, буряад-монгол литээр 13.

13-да гал тахихада, гэр байшан бодхооходо, адуу малай үһэ нооһо хайшалхада, газар таряалангай хэрэгүүдые бүтээхэдэ, гүү барихада, замда гараха­да һайн. Дэгэл хубсаһа эсхэхэдэ, түрэ хурим наада­хада, эд бараа, адуу мал худалдан абахада, худал­дахада муу.

Амгалан тайбанай, хүүгэдэй хэшэг даллага аба­хада; тахяа, үхэр, могой жэлтэй хүнүүдтэ хии мори­ёо хиидхэхэдэ һайн.

«Хүбүүнэй» үүдэн нээгдэнэ: хүүгэдэй шухала хэ­рэг үйлэдэхэгүй, түрэһэн үдэрыень тэмдэглэхэгүй, гэрһээ холо эльгээхэгүй.

Энэ үдэр харгыда гарахада, зүүн зүг руу муу, бэшэ зүг руу гэмгүй.

Бар, туулай жэлтэнэй урагшатай үдэр, харин та­хяа, бишэн жэлтэнэй буян үйлэдэхэдэ һайн; үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – жаргалда.

Августын 8, гарагай 6, буряад-монгол литээр 14.

14-дэ шэнэ гэр байшан бодхооходо, эд бараа, адуу мал худалдан абахада, худалдахада, малай үһэ нооһыень хайшалхада, замда ябахада һайн. Нүүхые, дэгэл хубсаһа эсхэхые, адуу мал хүнгэлхые, таряа ногоо тарихые тэбшэхэ.

Амгалан тайбанай, хониной хэшэг даллага аба­хада һайн.

«Сэрэгэй» үүдэн нээгдэнэ: сэрэг хүдэлгэхэгүй, заргалдахагүй.

Энэ үдэр харгыда гарахада, зүүн зүг руу муу, бэшэ зүгүүд руу зүглэхэдэ һайн.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр; бар, туулай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – баялигта.

Августын 9, гарагай 7, буряад-монгол литээр 15.

Абида бурханай дүйсэн үдэр.

15-да шэнэ гэр байшан бодхооходо, газар ха­халхада, таряа ногоо тарихада, эд бараа, адуу мал худалдан абахада, худалдахада, мал гаргахада, үһэ нооһыень хайшалхада һайн. Нүүхые, дэгэл хубсаһа эсхэхые, адуу мал хүнгэлхые, наһа бараг­шын, бэриин үйлэнүүдые бүтээхые тэбшэхэ.

Амгалан тайбанай, илангаяа таряанай хэшэг даллага абахада һайн. Бар, морин нохой жэлтэй хүнүүдтэ хии мориёо хиидхэхэдэ һайн.

«Түрэлнүүдэй» үүдэн нээгдэнэ: түрэл гаралнууд­таяа найрлахагүй.

Энэ үдэр харгыда гарахада, урда зүг руу муу, бэшэ тээшэ гэмгүй.

Үхэр жэлтэнэй урагшатай гараг; бар, туулай жэл­тэнэй буян үйлэдэхэ үдэр; хулгана, гахай жэлтэндэ урагшагүй үдэр, һэргэг байха хэрэгтэй.

Үһэеэ абхуулхада – үлзытэй, гэбэшье һүнэһэн толгойдо оршоно - болгоомжолхо.

Августын 10, гарагай 1, буряад-монгол литээр 16.

16-да анда нүхэр, багша шаби болоходо, дэгэл хубсаһа эсхэхэдэ, газар хахалхада, таряа ногоо тарихада, аралжаа наймаа хэхэдэ, адуу малай нооһо хайшалхада, хүнгэлхэдэ һайн. Барилгын ажал хэхэгүй, агнахагүй, заргалдахагүй, замда гарахагүй.

Энэ үдэр амгалан тайбанай, эдеэ унданай, бая­лигай, адуу малай хэшэг даллага абахада һайн.

«Хэрэмэй» үүдэн нээгдэнэ: гэрэй һуури татахагүй.

Энэ үдэр харгыда гарахада муу, илангаяа баруун зүг руу.

Луу жэлтэнэй урагшатай, һайн гараг.

Үһэеэ абхуулхада – үбшэндэ.

Жаргал лама ДУГДАНОВ бэлдэбэ