Буряад-монгол зурхай августын 11-һээ 17 болотор

Августын 11, гарагай 2, буряад-монгол литээр 17.

17-до замда гарахада, хубсаһа хунар эсхэхэдэ, газар хахалхада, таряа ногоо тарихада, аралжаа наймаа ябуулхада, наһа барагшын үйлэнүүдые бүтээхэдэ һайн. Адуу мал худалдажа абахые, адуу малай нооһыень хайшалхые, хүнгэлхые, бэриин хэрэгүүдые бүтээхые тэбшэхэ.

Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.

“Бэриин” үүдэн нээгдэнэ: бэри буулгахагүй, ху­рим түрэ наадахагүй.

Энэ үдэр харгыда гарахада, баруун зүг руу муу; бэшэ тээшэ зүглэхэдэ һайн.

Нохой жэлтэндэ һанаһанаа бүтээхэдэ урагша­тай, хонин жэлтэнэй буянай гараг.

Үһэеэ абхуулхада – нюдэн бүрэлзэхэ, шэг ша­рай муудаха.

Августын 12, гарагай 3, буряад-монгол литээр 18.

18-да гал тахихада, айраг тараг бүрихэдэ, адуу малай нооһыень хайшалхада, хүнгэлхэдэ, газар ха­халхада, таряа ногоо тарихада һайн. Замда ябахые, дэгэл хубсаһа эсхэхые, эд бараа, адуу мал худал­дан абахые, наһа барагшын хэрэгүүдые бүтээхые тэбшэхэ.

Амгалан тайбанай, баялигай хэшэг даллага аба­хада; хулгана, луу, бишэн жэлтэй хүнүүдтэ хии мо­риёо хиидхэхэдэ, һайн үдэр.

“Үхээриин” үүдэн нээгдэнэ: хүүр залахагүй.

Энэ үдэр харгыда гарахада муу, илангаяа зүүн зүг руу.

Морин, могой жэлтэнэй урагшатай үдэр; хулга­на, гахай жэлтэнэй буян үйлэдэхэ гараг. Тахяа, би­шэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – гарза гараха.

Августын 13, гарагай 4, буряад-монгол литээр 19.

19-дэ харгыда ябахада, шэнэ гэр бодхоохо­до, газар хахалхада, таряа ногоо тарихада һайн. Адуу малай нооһыень хайшалхые, эд бараа, адуу мал худалдан абахые, бэриин, наһа барагшын үйлэнүүдые бүтээхые тэбшэхэ.

Амгалан тайбанай, мориной хэшэг даллага аба­хада; бар, морин, нохой жэлтэй хүнүүдтэ хии мори­ёо хиидхэхэдэ һайн.

“Үхэлэй” үүдэн нээгдэнэ: хүүр залахагүй.

Энэ үдэр харгыда гарахадаа, хойто зүг руу зүглэхэдэ һайн.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.

Үһэеэ абхуулхада – һайн нүхэртэй ушарха.

Августын 14, гарагай 5, буряад-монгол литээр 20.

20-до эд бараа, адуу мал худалдажа абахада, ху­далдахада, дэгэл хубсаһа эсхэхэдэ, газар хахалха­да, таряа ногоо тарихада, адуу малай үһэ нооһыень хайшалхада һайн. Бэриин үйлэ бүтээхые, замда ябахые тэбшэхэ.

Амгалан тайбанай, хүүгэдэй хэшэг даллага аба­хада; тахяа, үхэр, могой жэлтэй хүнүүдтэ хии мори­ёо хиидхэхэдэ һайн.

“Бэриин” үүдэн нээгдэнэ: хурим түрэ наадахагүй.

Энэ үдэр харгыда гарахадаа, зүүн-урда зүг руу зүглэхэдэ һайн.

Бар, туулай жэлтэнэй урагшатай үдэр, харин та­хяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – үлэсхэлэндэ, ангалгада.

Августын 15, гарагай 6, буряад-монгол литээр 22 (21 таһарба).

22-то бэшэг номдо, зурхайда, урлаха арганууд­та һурахада, шэнэ гэр байшан бодхооходо, газар хахалхада, таряа ногоо тарихада, эд бараа, адуу мал худалдан абахада, һургахада, гаргахада, үһэ нооһыень хайшалхада һайн. Замда гарахые, дэ­гэл хубсаһа эсхэхые, наһа барагшын, бэриин үйлэнүүдые бүтээхые тэбшэхэ.

Амгалан тайбанай, хониной хэшэг даллага аба­хада һайн.

“Сэрэгэй” үүдэн нээгдэнэ: сэрэг хүдэлгэхэгүй, заргалдахагүй.

Энэ үдэр харгыда гарахадаа, зүүн зүг руу зүглэхэдэ һайн.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – эдеэ ундан элбэгжэхэ.

Августын 16, гарагай 7, буряад-монгол литээр 23.

23-да гал тахихада, дэгэл хубсаһа эсхэхэдэ, зам­да гарахада, газар хахалхада, таряа ногоо тари­хада, адуу мал худалдан абахада, үһэ нооһыень хайшалхада, шэнэ гэр бодхооходо һайн. Адуу мал худалдахагүй, худаг малтахагүй, нүүхэгүй.

Амгалан тайбанай, илангаяа таряанай хэшэг даллага абахада һайн. Бар, морин нохой жэлтэй хүнүүдтэ хии мориёо хиидхэхэдэ һайн.

“Хүбүүнэй” үүдэн нээгдэнэ: хүүгэдэй шухала хэ­рэг бүтээхэгүй, түрэһэн үдэрыень тэмдэглэхэгүй, гэрһээ холо эльгээхэгүй.

Энэ үдэр харгыда гарахада, баруун зүг руу муу, бэшэ тээшэ гэмгүй.

Үхэр жэлтэнэй урагшатай гараг; бар, туулай жэл­тэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.

Үһэеэ абхуулхада – баялигта.

Августын 17, гарагай 1, буряад-монгол литээр 24.

24-дэ замда гарахада, анда нүхэд, багша шаби болоходо, хубсаһа хунар эсхэхэдэ, газар хахалхада, таряа ногоо тарихада, адуу мал хүнгэлхэдэ, эд ба­раа, адуу мал худалдан абахада һайн. Адуу малай нооһыень хайшалхые тэбшэхэ.

Амгалан тайбанай, таряанай хэшэг даллага аба­хада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.

Энэ үдэр амгалан тайбанай, эдеэ унданай, бая­лигай, адуу малай хэшэг даллага абахада һайн.

“Сэрэгэй” үүдэн нээгдэнэ: сэрэг хүдэлгэхэгүй, заргалдахагүй.

Энэ үдэр харгыда гарахада, зүүн зүг руу муу, бэшэ зүгүүд руу һайн.

Луу жэлтэнэй урагшатай, һайн гараг.

Үһэеэ абхуулхада – үбшэндэ.

Жаргал лама ДУГДАНОВ бэлдэбэ