Амарха газараа шэмэглээ

Бүрэнголой сомоной эдэбхитэд нютаг нуынгаа шарай һайжаруулха гэжэ ходо орол­дожо байдаг. Жэшээлбэл, Ольга Шойсороновна Папа­ева түрүүтэй “Буян хэшэгэй” эдэбхитэд ехэ ажал хабарһаа хойшо ябуулаа.

- Сайлагтамнай ерэһэн айлшад муухай байна гэжэ хэлээд, эгээл түрүүн ма­найл нютагай хүнүүдтэ муу һанахал даа. Тиимэһээ бидэ эндээ сэбэрлээбди. Болбо­сон түхэлтэй болгоошьегүй һаа, нэгэ заа гоё, амархада аятай болгожо туршаабди, - гэжэ Ольга Папаева хэлэнэ.

Дээрэһээ унажа байһан Сайлагай уһанай хүсэндэ со­хюулха дуратайшуул олон юм. Тэдэнэй аюулгүй амар­хын болон уһанда сохюул­хын түлөө ябаха талмайн хорёонууд болон түмэр хэрэгсэлнүүд гагнагдаа. Энэ хэрэгтэ аймагай һунгамал Игорь Мункоев туһалаа. Дэ­бисхэр дээрэхи ябаган харгы шэнээр хэгдээ, һуужа амарха һуудалнууд заһабарилагдаа.

Эдэбхитэд ерэжэ, бог шо­рой суглуулжа байдаг. Бай­гаали хамгаалгын асуудалнуудые хараадаа абан, һүүлэй үедэ авто-унаанууд Сай­лагай талмай дээрэ оруулаг­дахаяа болёо.

Амаралгынгаа газарые һайхан оршон байдалтай болгохоһоо гадна, “Буян хэ­шэг” ТОС-ой эдэбхитэд теплицэ нютагтаа табяа. Тэндэ огородой эдеэн таригдаа. Үгэрсэ, морхооб болон бусад овощ эдеэшэжэ, нютагай хүн зон түрүүшын ургаса амсан туршаа.

“Аха” сонинһоо абтаба