Буряад-монгол зурхай августын 18-һаа 24 болотор

Августын 18, гарагай 2, буряад-монгол литээр 25.

Хандамаанарай дүйсэн үдэр.

25-да гал тахихада, хубсаһа хунар эсхэхэдэ, шэнэ гэр бодхо­оходо, хушахада, пеэшэн табихада, газар хахалхада, таряа но­гоо тарихада, малай нооһо хиргахада, мал гаргахада, эд бараа, адуу мал худалдажа абахада, аралжаа наймаа хэхэдэ, наһа ба­рагшын хэрэгүүдые бүтээхэдэ һайн.

Энэ үдэр амгалан тайбанай, эдеэ унданай, баялигай, адуу малай, гуталай, хубсаһанай хэшэг даллага абахада; гахай, хо­нин, туулай жэлтэй хүнүүдтэ хии мориёо хиидхэхэдэ, һайн үдэр.

“Түрэлнүүдэй” үүдэн нээгдэнэ: түрэл гаралнуудтаяа найрлахагүй.

Энэ үдэр харгыда гарахада, зүүн зүг руу муу; бэшэ тээшэ зүглэхэдэ һайн.

Нохой жэлтэндэ һанаһанаа бүтээхэдэ урагшатай, хонин жэл­тэнэй буянай гараг.

Үһэеэ абхуулхада – нюдэнэй даралта хөөрэхэ.

Августын 19, гарагай 3, буряад-монгол литээр 26.

26-да айраг тараг бүрихэдэ, адуу мал һургахада, нооһыень хайшалхада, газар хахалхада, таряа ногоо тарихада һайн. Зам­да гарахые, дэгэл хубсаһа эсхэхые, эд бараа, адуу мал худалдан абахые, худалдахые, аралжаа наймаа ябуулхые тэбшэхэ.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.

“Хэрэмэй” үүдэн нээгдэнэ: гэрэй һуури татахагүй.

Энэ үдэр «морин үхэхэ, эмээл хухарха” ушарһаа харгыда га­рахада муу, илангаяа зүүн зүг руу.

Морин, могой жэлтэнэй урагшатай үдэр; хулгана, гахай жэл­тэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – аза талаанда, жаргалда.

Августын 20, гарагай 4, буряад-монгол литээр 27.

27-до айраг тараг бүрихэдэ, замда гарахада, газар хахал­хада, таряа ногоо тарихада, хүүр залахада һайн. Бэриин үйлэ бүтээхые, шэнэ гэр бодхоохые, адуу малай үһэ нооһыень хай­шалхые, дэгэл хубсаһа эсхэхые, эд бараа, адуу мал худалдажа абахые тэбшэхэ.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.

“Бэриин” үүдэн нээгдэнэ: бэриин хэрэг үйлэдэхэгүй.

Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.

Хулгана, гахай жэлтэнэй һайн гараг; үхэр, луу, нохой жэлтэ­нэй буян үйлэдэхэ үдэр. Морин, могой жэлтэн һэргэг байхые оролдог.

Үһэеэ абхуулхада – жаргалда.

Августын 21, гарагай 5, буряад-монгол литээр 28.

29-дэ дайсаниие номгодхоходо, ада шүдхэр дарахада, гүү барихада, мал гаргахада, агнахада һайн. Бэриин үйлэ бүтээхые, эд бараа, адуу мал худалдажа абахые, худалдахые, дэгэл хубсаһа эсхэхые, адуу малай үһэ нооһыень хайшалхые тэбшэхэ.

Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.

“Үхээриин” үүдэн нээгдэнэ: хүүр залахагүй.

Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – хэрүүл аманда.

Августын 22, гарагай 6, буряад-монгол литээр 29.

Сог жабхаланта Бальжаниматай үдэр амиды болон нүгшэһэнэй ямаршье үйлэдэ һайн. Энэ үдэр Синпүн гэхэ мэтэ ямаршье газарай бусад эзэдэй байбалшье гү, али үгышье һаа, согто хутаг, буян болохо!

29-дэ дайсаниие номгодхохо, ада шүдхэр дараха, гүү бариха, мал гаргаха, агнаха хэрэгүүдтэ һайн. Бэриин, наһа барагшын хэрэгүүдые бүтээхэдэ, дэгэл хубсаһа эсхэхэдэ, адуу малай үһэ нооһо хайшалхада, эд бараа, адуу мал худалдахада, аралжаа наймаа ябуулхада муу.

Амгалан тайбанай, мориной хэшэг даллага абахада; бар, мо­рин, нохой жэлтэй хүнүүдтэ хии мориёо хиидхэхэдэ һайн.

“Үхэлэй” үүдэн нээгдэнэ: наһа барагшын хэрэгүүдые үйлэдэхэгүй.

Энэ үдэр харгыда гарахада, баруун зүг руу муу, бэшэ тээшэ гэмгүй.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа га­раг – һэргэг ябаха хэрэгтэй.

Үһэеэ абхуулхада – һүнэһэн зайлаха.

Августын 23, гарагай 7, буряад-монгол литээр 30.

Бурхан багшын дүйсэн үдэр.

30-да айраг тариг бүрихэдэ һайн. Адуу малай үһэ нооһыень хайшалхые, эд бараа, адуу мал хүнгэлхые, худалдажа абахые, дэгэл хубсаһа эсхэхые, наһа барагшын, бэриин үйлэнүүдые бүтээхые тэбшэхэ.

Амгалан тайбанай, хүүгэдэй хэшэг даллага абахада һайн. Та­хяа, үхэр, могой жэлтэй хүнүүдтэ хии мориёо хиидхэхэдэ һайн.

“Ниитын” үүдэн нээгдэнэ: суглаа зарлахагүй, шухала уулзал­га эмхидхэхэгүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа га­раг – һэргэг ябаха хэрэгтэй.

Үһэеэ абхуулхада – хэрүүл аманда.

Августын 24, гарагай 1, буряад-монгол литээр шэнын 1.

Тэрсүүд үдэр замда гарахые, нүүхые, наһа барагшые хүдөө табихые, бэриин хэрэгүүдые бүтээхые тэбшэхэ.

Шэнын 1-дэ замда гарахада, дэгэл хубсаһа эсхэхэдэ, газар хахалхада, таряа ногоо тарихада, худаг малтахада, эд бараа, адуу мал худалдан абахада, шэнэ гэр бодхооходо, һанаһанаа бүтээхэдэ һайн. Адуу малай үһэ нооһыень хайшалхагүй, хүнгэлхэгүй, хүүр залахагүй.

Амгалан тайбанай, хониной хэшэг даллага абахада һайн.

“Айлшанай” үүдэн нээгдэнэ: айлшадые урихагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Луу жэлтэнэй урагшатай, һайн гараг.

Үһэеэ абхуулхада – наһан хорохо.

Жаргал лама ДУГДАНОВ бэлдэбэ