992
Февралиин 16, гарагай 2, буряад-монгол литээр 29.
Дүгжүүбэ хурал – 9.00 сагһаа Чойжол, Һама, Жамсаран сахюусад хурагдаха, оройдоо Дүгжүүбэ.
Модон хохимой үдэр шэнэ ажалда орохые, тушаал эзэлхые, сэрэг хүдэлгэхые тэбшэхэ.
29-дэ дайсаниие номгодхохо, ада шүдхэр дараха, гүү бариха, мал гаргаха, агнаха хэрэгүүдтэ һайн. Бэриин, наһа барагшын хэрэгүүдые бүтээхэдэ, дэгэл хубсаһа эсхэхэдэ, адуу малай үһэ нооһо хайшалхада, эд бараа, адуу мал худалдахада, аралжаа наймаа ябуулхада, найрлахада, тушаалда дэбжүүлхэдэ муу.
“Үхэлэй” үүдэн нээгдэнэ: наһа барагшын хэрэгүүдые үйлэдэхэгүй.
Энэ үдэр харгыда гарахада, баруун зүг руу муу, бэшэ тээшэ гэмгүй.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – һүнэһэн зайлаха.
Февралиин 17, гарагай 3, буряад-монгол литээр 30.
Бүтүү үдэр – 9.00 сагһаа Мандал Шива хурал. 17.00 - Балим адислалга. 19.00 - Һама сахюусан хурагдаха.
30-да айраг тараг бүрихэдэ, худалдаа наймаанда һайн. Адуу малай үһэ нооһыень хайшалхые, хүнгэлхые, эд бараа, адуу мал худалдажа абахые, дэгэл хубсаһа эсхэхые, гэр байшан бодхоохо, наһа барагшын, бэриин үйлэнүүдые бүтээхые тэбшэхэ.
“Ниитын” үүдэн нээгдэнэ: суглаа зарлахагүй, шухала уулзалга эмхидхэхэгүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – хэрүүл аман дэлгэрхэ, аминда харша.
Февралиин 18, гарагай 4, буряад-монгол литээр шэнын 1.
6.00 сагһаа Сиидэр Һама хурал, Сагаалган – Улаан Морин жэл мүндэлбэ.
Модон хохимой үдэр тушаалай шэрээдэ гарахые, шэнэ ажалда орохые, сэрэг хүдэлгэхые тэбшэхэ.
Шэнын 1-дэ һанаһанаа бүтээхэдэ, замда гарахада, дэгэл хубсаһа эсхэхэдэ, газар хахалхада, таряа ногоо тарихада, хуряахада, эд бараа, адуу мал худалдан абахада, худалдахада, шэнэ гэр бодхооходо, худаг малтахада һайн. Адуу малай үһэ нооһыень хайшалхагүй, хүнгэлхэгүй, хүүр залахагүй.
“Айлшанай” үүдэн нээгдэнэ: айлшадые урихагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Амгалан тайбанай, мориной хэшэг даллага абахада һайн.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – наһан хорохо.
Февралиин 19, гарагай 5, буряад-монгол литээр 2.
Сагаан һарын 15 хоногой Монлам Ченмо хурал эхилбэ. Хулгана жэлтэнэй хандаха үдэр.
Сог жабхаланта Бальжиниматай үдэр амиды ба нүгшэһэнэй ямаршье үйлэдэ һайн. Энэ сагта Синпүн гэхэ мэтэ газарай бусад эзэдэй байбалшье, али үгышье һаа, согто хутаг, буян болохо.
Шэнын 2-то хүн бүгэдэнэй, ямаршье жэлтэй хүнүүдэй хии мориёо хиидхэхэдэ, һайн үдэр. Айраг тараг бүрихэдэ, эмнэлгэ эхилхэдэ, тушаалда томилходо, хубсаһа хунар эсхэхэдэ, барилга эхилхэдэ, пеэшэн табихада, газар хахалхада, таряа ногоо тарихада, эд бараа, адуу мал худалдан абахада һайн. Адуу малай нооһыень хайшалхые, адуу мал хүнгэлхые, замда гарахые тэбшэхэ.
“Наймаанай” үүдэн нээгдэнэ: олзын хэрэг эрхилхэгүй.
Энэ үдэр “морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.
Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ, һайн үдэр.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – үбшэндэ, хэрүүл аманда.
Февралиин 20, гарагай 6, буряад-монгол литээр 3.
Сагаан һарын Монлам Ченмо хурал. Үхэр жэлтэнэй хандаха үдэр.
3-да замда гарахада, тушаалда дэбжүүлэгдэхэдэ, хубсаһа хунар эсхэхэдэ, шэнэ гэртэ нүүхэдэ, шэнэ гэр бодхооходо, пеэшэн табихада, шэнэ гэртэ нүүхэдэ, газар хахалхада, таряа ногоо тарихада, малай нооһо хиргахада, эд бараа, адуу мал худалдажа абахада һайн.
Худаг малтахада, бэриин үйлэнүүдые бүтээхэдэ муу.
“Хүбүүнэй” үүдэн нээгдэнэ: хүүгэдэй шухала хэрэг бүтээхэгүй, үһыень абахагүй, гэрһээ холо эльгээхэгүй.
Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.
Амгалан тайбанай, хониной хэшэг даллага абахада һайн.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – баялигта.
Февралиин 21, гарагай 7, буряад-монгол литээр 4.
Сагаан һарын Монлам Ченмо хурал. Бар жэлтэнэй хандаха үдэр.
4-дэ багша, шаби болоходо, аралжаа наймаа ябуулхада, модоор уран дарха хэхэдэ, адуу мал гаргахада, үһэ нооһыень хайшалхада, эм найруулхада, бэриин хэрэгүүдые үйлэдэхэдэ һайн. Дэгэл хубсаһа эсхэхые, адуу мал хүнгэлхые, эд бараа, адуу мал худалдажа абахые, худалдахые тэбшэхэ.
“Сэрэгэй” үүдэн нээгдэнэ: сэрэг хүдэлгэхэгүй.
Энэ үдэр харгыда гарахада, баруун зүг руу муу, бэшэ зүгүүд руу зүглэхэдэ һайн.
Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – нюур шарай һайжарха.
Февралиин 22, гарагай 1, буряад-монгол литээр 5.
Сагаан һарын Монлам Ченмо хурал. Туулай жэлтэнэй хандаха үдэр.
5-да багша, шаби болоходо, замда гарахада, бусажа ерэхэдэ, гүү барихада, мал хүнгэлхэдэ, адуу малай үһэ нооһыень хайшалхада, газар хахалхада, таряа ногоо тарихада һайн. Модоор уран дарха хэхые, нүүхые, дэгэл хубсаһа эсхэхые, худалдаа наймаа хэхые, наһа барагшын үйлэ тэбшэхэ.
“Түрэлнүүдэй” үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
Луу жэлтэнэй урагшатай, һайн гараг.
Үһэеэ абхуулхада – баялигта.
Жаргал лама ДУГДАНОВ бэлдэбэ
Фото: Анна Огородник
