Буряад-монгол зурхай мартын 9-һөө 15 болотор

Мартын 9, гарагай 2, буряад-монгол литээр 21.

21-дэ эд бараа, адуу мал худалдан абахада, ху­далдахада, газар таряанай хэрэгүүдые бүтээхэдэ, замда ябахада һайн. Бэриин хэрэгүүдые үйлэдэхэдэ, тушаалда томилходо, дэгэл хубсаһа эс­хэхэдэ, адуу малай үһэ нооһо хайшалхада, халуун уһанда ороходо муу.

«Айлшанай» үүдэн нээгдэнэ: айлшадые урихагүй.

Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.

Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.

Нохой жэлтэндэ һанаһанаа бүтээхэдэ урагша­тай, хонин жэлтэнэй буянай гараг.

Үһэеэ абхуулхада – халдабарита үбшэндэ.

Мартын 10, гарагай 3, буряад-монгол литээр 22.

22-то бэшэг номдо, зурхайда, урлаха аргануудта һурахада, пеэшэн табихада, газар хахалхада, та­ряа ногоо тарихада, эд бараа, адуу мал худалдан абахада, худалдахада, адуу мал һургахада, гарга­хада, үһэ нооһыень хайшалхада һайн. Замда гара­хые, тушаалда томилхые, шэнэ гэр байшан барихые, дэгэл хубсаһа эсхэхые, наһа барагшын, бэри­ин үйлэнүүдые бүтээхые тэбшэхэ.

«Наймаанай» үүдэн нээгдэнэ: олзын хэрэг эрхилхэгүй.

Энэ үдэр харгыда гарахада муу, илангаяа баруун зүг руу.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.

Морин, могой жэлтэнэй урагшатай үдэр; хул­гана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – үбшэн дэлгэрхэ.

Мартын 11, гарагай 4, буряад-монгол литээр 23.

23-да гал тахихада, дэгэл хубсаһа эсхэхэдэ, зам­да гарахада, газар хахалхада, таряа ногоо тариха­да, адуу мал худалдан абахада, үһэ нооһыень хай­шалхада, шэнэ гэр бодхооходо, пеэшэн табихада, хаалта, далан бодхооходо һайн. Эд бараа, адуу мал худалдахагүй, худалдажа абахагүй, аралжаа най­маа хэхэгүй, худаг, һубаг малтахагүй, нүүхэгүй, ту­шаалда томилхогүй.

«Хүбүүнэй» үүдэн нээгдэнэ: хүүгэдэй шухала хэрэг бүтээхэгүй, үһыень абахагүй, гэрһээ холо эльгээхэгүй.

Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.

Амгалан тайбанай, мориной хэшэг даллага абахада һайн.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.

Үһэеэ абхуулхада – баялигта.

Мартын 12, гарагай 5, буряад-монгол литээр 24.

24-дэ замда гарахада, анда нүхэд, багша шаби болоходо, хубсаһа хунар эсхэхэдэ, газар хахалхада, таряа ногоо тарихада, адуу мал хүнгэлхэдэ, эд бараа, адуу мал худалдан абахада, худалдахада һайн. Тушаалда томилхые, адуу малай нооһыень хай­шалхые, замда гарахые тэбшэхэ.

«Сэрэгэй» үүдэн нээгдэнэ: сэрэг хүдэлгэхэгүй, заргалдахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ, һайн үдэр.

Бар, туулай жэлтэнэй урагшатай үдэр, харин та­хяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – үбшэндэ.

Мартын 13, гарагай 6, буряад-монгол литээр 25.

Хандамаанарай дүйсэн үдэр.

25-да гал тахихада, замда гарахада, гэр бүлэ болоходо, хубсаһа хунар эсхэхэдэ, шэнэ гэр бод­хооходо, газар хахалхада, таряа ногоо тарихада, малай нооһо хиргахада, мал гаргахада, эд бараа, адуу мал худалдажа абахада, худалдахада, арал­жаа наймаа хэхэдэ, наһа барагшын хэрэгүүдые бүтээхэдэ һайн. Тушаалда томилхогүй.

«Түрэлнүүдэй үүдэн нээгдэнэ: түрэл гаралнуудтаяа найрлахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Амгалан тайбанай, хониной хэшэг даллага абахада һайн.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – үбшэндэ, нюдэн бүрэлзэхэ.

Мартын 14, гарагай 7, буряад-монгол литээр 26.

26-да айраг тараг бүрихэдэ, адуу мал һургахада, нооһыень хайшалхада, газар хахалхада, таряа но­гоо тарихада, хүүр залахада һайн. Замда гарахые, гэр барихые, дэгэл хубсаһа эсхэхые, эд бараа, адуу мал худалдан абахые, худалдахые, аралжаа наймаа ябуулхые, тушаалда томилхые тэбшэхэ.

«Хэрэмэй» үүдэн нээгдэнэ: гэрэй һуури татахагүй.

Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.

Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.

Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэл­тэндэ урагшагүй үдэр, һэргэг байха хэрэгтэй.

Үһэеэ абхуулхада – жаргалда.

Мартын 15, гарагай 1, буряад-монгол литээр 27.

27-до айраг тараг бүрихэдэ, замда гарахада, пеэшэн табихада, газар хахалхада, таряа ногоо та­рихада, хүүр залахада һайн. Бэриин үйлэ бүтээхые, шэнэ гэр барихые, хаалта, далан бодхоохые, адуу малай үһэ нооһыень хайшалхые, дэгэл хубсаһа эс­хэхые, эд бараа, адуу мал худалдахые, худалдажа абахые тэбшэхэ.

«Бэриин» үүдэн нээгдэнэ: бэриин хэрэг үйлэдэхэгүй.

Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.

Энэ үдэр амгалан тайбанай, эдеэ унданай, ба­ялигай, адуу малай хэшэг даллага абахада һайн.

Луу жэлтэнэй урагшатай, һайн гараг.

Үһэеэ абхуулхада – үлзытэй.

Жаргал лама ДУГДАНОВ бэлдэбэ