782
Мартын 16, гарагай 2, буряад-монгол литээр 28.
28-да гал тахихада, хаалта табихада һайн. Адуу малай үһэ нооһыень хайшалхагүй, эд бараа, адуу мал худалдажа абахагүй, дэгэл хубсаһа эсхэхэгүй, замда гарахагүй, тушаалда томилхогүй, бэриин, наһа барагшын үйлэнүүдые бүтээхэгүй.
“Үхээриин” үүдэн нээгдэнэ: хүүр залахагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – хэрүүл аман дэлгэрхэ.
Мартын 17, гарагай 3, буряад-монгол литээр 28 (дабхарлаба).
28-да гал тахихада, хаалта табихада һайн. Адуу малай үһэ нооһыень хайшалхагүй, эд бараа, адуу мал худалдажа абахагүй, дэгэл хубсаһа эсхэхэгүй, замда гарахагүй, тушаалда томилхогүй, бэриин, наһа барагшын үйлэнүүдые бүтээхэгүй.
“Үхээриин” үүдэн нээгдэнэ: хүүр залахагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Мартын 18, гарагай 4, буряад-монгол литээр 29.
Нирманарати замбиһаа бурхад буужа, хүн зоной үйлэ хэрэгүүдые сэгнэдэг.
29-дэ дайсаниие номгодхохо, ада шүдхэр дараха, гүү бариха, мал гаргаха, агнаха хэрэгүүдтэ һайн.
Бэриин, наһа барагшын хэрэгүүдые бүтээхэдэ, тушаалда томилходо, дэгэл хубсаһа эсхэхэдэ, адуу малай үһэ нооһо хайшалхада, эд бараа, адуу мал худалдахада, аралжаа наймаа ябуулхада муу.
“Үхэлэй” үүдэн нээгдэнэ: наһа барагшын хэрэгүүдые үйлэдэхэгүй.
Энэ үдэр харгыда гарахада, баруун зүг руу муу, бэшэ тээшэ гэмгүй.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – һүнэһэн зайлаха.
Мартын 19, гарагай 5, буряад-монгол литээр 30.
Бурхан багшын дүйсэн үдэр.
30-да айраг тараг бүрихэдэ, худалдаа наймаа ябуулхада һайн. Адуу малай үһэ нооһыень хайшалхые, хүнгэлхые, дэгэл хубсаһа эсхэхые, гэрэй барилга, наһа барагшын, бэриин үйлэнүүдые бүтээхые тэбшэхэ.
“Ниитын” үүдэн нээгдэнэ: суглаа зарлахагүй, шухала уулзалга эмхидхэхэгүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.
Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ һайн.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – хэрүүл аман дэлгэрхэ, аминда харша.
Мартын 20, гарагай 6, буряад-монгол литээр шэнын 2 (1 таһарба).
2-то айраг тараг бүрихэдэ, эмнэлгэ эхилхэдэ, хубсаһа хунар эсхэхэдэ, пеэшэн табихада, газар хахалхада, таряа ногоо тарихада, эд бараа, адуу мал худалдан абахада һайн. Адуу малай нооһыень хайшалхые, адуу мал хүнгэлхые, замда гарахые тэбшэхэ.
Модон хохимой үдэр ехэ тушаалай шэрээдэ гарахые, шэнэ ажалда орохые, сэрэг хүдэлгэхые тэбшэхэ.
“Наймаанай” үүдэн нээгдэнэ: олзын хэрэг эрхилхэгүй.
Энэ үдэр “морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.
Амгалан тайбанай, хониной хэшэг даллага абахада һайн.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – үбшэндэ, хэрүүл аманда.
Мартын 21, гарагай 7, буряад-монгол литээр 3.
Амгалан жаргалантай үлзы хутагта Дашаниматай үдэр абишиг (Ваан) хайрлахада, һайтар байгуулхада (рамнай үргэхэдэ), бурханай тахилга хэхэдэ һайн.
3-да замда гарахада, нүүхэдэ, шэнэ гэртэ ороходо, хубсаһа хунар эсхэхэдэ, шэнэ гэр бодхооходо, тушаал эзэлхэдэ, газар хахалхада, таряа ногоо тарихада, малай нооһо хиргахада, эд бараа, адуу мал худалдажа абахада һайн. Худаг малтахада, бэриин үйлэнүүдые бүтээхэдэ муу.
“Хүбүүнэй” үүдэн нээгдэнэ: хүүгэдэй шухала хэрэг бүтээхэгүй, үһыень абахагүй, гэрһээ холо эльгээхэгүй.
Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.
Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – баялигта.
Мартын 22, гарагай 1, буряад-монгол литээр 4.
4-дэ багша, шаби болоходо, аралжаа наймаа ябуулхада, модоор уран дарха хэхэдэ, адуу малай үһэ нооһыень хайшалхада, тэдэниие гаргахада, бэриин хэрэгүүдые үйлэдэхэдэ һайн. Дэгэл хубсаһа эсхэхые, адуу мал хүнгэлхые, эд бараа, адуу мал худалдахые, худалдажа абахые тэбшэхэ.
“Сэрэгэй” үүдэн нээгдэнэ: сэрэг хүдэлгэхэгүй, заргалдахагүй.
Энэ үдэр харгыда гарахада, баруун зүг руу муу, бэшэ зүгүүд руу зүглэхэдэ һайн.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
Луу жэлтэнэй урагшатай, һайн гараг.
Үһэеэ абхуулхада – зүһэ шарай һайжарха.
Жаргал лама ДУГДАНОВ бэлдэбэ
Фото: Анна Огородник
