818
Мартын 23, гарагай 2, буряад-монгол литээр 5.
5-да багша, шаби болоходо, замда гарахада, гүү барихада, мал хүнгэлхэдэ, адуу малай үһэ нооһыень хайшалхада, газар хахалхада, таряа ногоо тарихада, хүүр залахада һайн. Модоор уран дарха хэхые, нүүхые, дэгэл хубсаһа эсхэхые, худалдаа наймаа ябуулхые, наһа барагшын үйлэ бүтээхые тэбшэхэ.
«Түрэлнүүдэй» үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр. Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – баялигта.
Мартын 24, гарагай 3, буряад-монгол литээр 6.
6-да газар хахалхада, таряа ногоо тарихада, адуу мал номгоруулхада, һургахада һайн. Аралжаа наймаа ябуулхые, адуу малай үһэ нооһыень хайшалхые, эд бараа, адуу мал худалдажа абахые, худалдахые, хажуу тээшэнь үгэхые, дэгэл хубсаһа эсхэхые тэбшэхэ.
«Хэрэмэй» үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр. Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – зүһэ шарай һайжарна.
Мартын 25, гарагай 4, буряад-монгол литээр 7.
7-до айраг тараг бүрихэдэ, гэр байшан барихада, пеэшэн табихада, газар уһанай ажал хэрэгүүдые, наһа барагшын үйлэ бүтээхэдэ һайн. Адуу малай үһэ нооһыень хайшалхые, эд бараа, адуу мал хүнгэлхые, худалдажа абахые, дэгэл хубсаһа эсхэхые, бэриин үйлэ бүтээхые тэбшэхэ.
«Бэриин» үүдэн нээгдэнэ: хурим түрэ хэхэгүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.
Амгалан тайбанай, мориной хэшэг даллага абахада һайн. Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – хэрүүл аман дэлгэрхэ, аминда харша.
Мартын 26, гарагай 5, буряад-монгол литээр 8.
Сог буянта Бальжиниматай үдэр амиды ба нүгшэһэнэй ямаршье үйлэдэ һайн. Энэ үдэр Синпүн гэхэ мэтэ газарай бусад эзэдэй байбалшье, али үгышье һаань, согто хутаг, буян болохо.
Отошо бурханай дүйсэн үдэр.
Адуу мал хүнгэлхэдэ (шэмхэхэдэ), гаргахада, агнахада, тушаалда томилходо, ада шүдхэр дарахада һайн. Адуу малай үһэ нооһыень хайшалхагүй, эд бараа, адуу мал худалдан абахагүй, газар таряалангай ажал хэхэгүй, дэгэл хубсаһа эсхэхэгүй, замда гарахагүй, бэриин хэрэг бүтээхэгүй, хүүр залахагүй.
«Үхээриин» үүдэн нээгдэнэ: наһа барагшые хүдөө табихагүй.
Энэ үдэр «морин үхэхэ, эмээл хухарха ушарһаа» харгыда гарахада муу, илангаяа зүүн зүг руу.
Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ һайн. Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – наһан утадхаха.
Мартын 27, гарагай 6, буряад-монгол литээр 9.
9-дэ замда гарахада, адуу мал номгоруулхада, һургахада, хубсаһа хунар эсхэхэдэ, аралжаа наймаа ябуулхада, тушаалда томилходо һайн. Адуу малай нооһыень хайшалхые, адуу мал хүнгэлхые, эд бараа, адуу мал худалдан абахые, хурим түрэ наадахые, хүүр залахые тэбшэхэ.
«Үхэлэй» үүдэн нээгдэнэ: наһа барагшын хэрэг үйлэдэхэгүй.
Энэ үдэр харгыда гарахада, урда зүг руу муу, бэшэ тээшэ һайн.
Амгалан тайбанай, хониной хэшэг даллага абахада һайн. Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – үбшэндэ.
Мартын 28, гарагай 7, буряад-монгол литээр 10.
Бадмасамбавын дүйсэн үдэр.
10-да тушаалда томилходо, дэгэл хубсаһа эсхэхэдэ, айраг тараг бүрихэдэ, газар хахалхада, таряа ногоо тарихада, адуу малай үһэ нооһыень хайшалхада һайн. Эд бараа, адуу мал худалдажа абахые, замда гарахые, гэр байшан барихые, бэриин үйлэ бүтээхые тэбшэхэ.
«Ниитын» үүдэн нээгдэнэ: суглаа зарлахагүй, шухала уулзалгада муу.
Энэ үдэр харгыда гарахада муу, илангаяа баруун зүг руу.
Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр. Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – жаргалда.
Мартын 29, гарагай 1, буряад-монгол литээр 11.
11-дэ шэнэ гэр байшан бодхооходо, гүү барихада, адуу мал номгоруулхада, һургахада, мал хүнгэлхэдэ, гаргахада, түрэ найр хэхэдэ болон газар таряалангай хэрэгүүдые үйлэдэхэдэ һайн. Дэгэл хубсаһа эсхэхэдэ, ханаха, төөнэхэдэ, адуу малай үһэ нооһо хайшалхада, эд бараа, адуу мал худалдан абахада, худалдахада муу.
Тэрсүүд үдэр санваар хүртэхэ, харгыда гараха, нүүхэ ба бэриин үйлэ, наһа барагшые хүдөө гаргаха гэхэ мэтые тэбшэхэ.
«Айлшанай» үүдэн нээгдэнэ: айлшадые урихагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.Луу жэлтэнэй урагшатай, һайн гараг.
Үһэеэ абхуулхада – зүһэ шарай һайжарха.
Жаргал лама ДУГДАНОВ бэлдэбэ.
