782
Майн 18, гарагай 2, буряад-монгол литээр шэнын 2.
2-то айраг тараг бүрихэдэ, эмнэлгэ эхилхэдэ, тушаалда томилходо, суглаа зарлахада, тогтоол баталхада, шиидхэбэри абахада, хубсаһа хунар эсхэхэдэ, барилга эхилхэдэ, пеэшэн табихада, газар хахалхада, таряа ногоо тарихада, эд бараа, адуу мал худалдан абахада һайн. Адуу малай нооһыень хайшалхые, адуу мал хүнгэлхые, замда гарахые тэбшэхэ.
“Наймаанай” үүдэн нээгдэнэ: олзын хэрэг эрхилхэгүй.
Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр. Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – үбшэндэ, хэрүүл аманда.
Майн 19, гарагай 3, буряад-монгол литээр шэнын 3.
Сог буянта Бальжиниматай үдэр амиды ба нүгшэһэнэй ямаршье үйлэдэ һайн. Энэ сагта Синпүн гэхэ мэтэ газарай бусад эзэдэй байбашье, али үгышье һаа, үлзы хутаг, буян болохо.
3-да замда гарахада, тушаалда дэбжүүлэгдэхэдэ, хубсаһа хунар эсхэхэдэ, шэнэ гэр бодхооходо, пеэшэн табихада, шэнэ гэртэ ороходо, нүүхэдэ, газар хахалхада, таряа ногоо тарихада, малай үһэ нооһо хиргахада, эд бараа, адуу мал худалдажа абахада һайн. Худаг малтахада, бэриин үйлэнүүдые бүтээхэдэ муу.
“Хүбүүнэй” үүдэн нээгдэнэ: хүүгэдэй шухала хэрэг бүтээхэгүй, үһыень абахагүй, гэрһээ холо эльгээхэгүй.
Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр. Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – баялигта.
Майн 20, гарагай 4, буряад-монгол литээр шэнын 4.
Модон хохимой үдэр ехэ тушаалай шэрээдэ гарахые, шэнэ ажалда орохые, сэрэг хүдэлгэхые тэбшэхэ.
4-дэ багша, шаби болоходо, аралжаа наймаа ябуулхада, модоор уран дарха хэхэдэ, адуу мал гаргахада, үһэ нооһыень хайшалхада, эм найруулхада, бэриин хэрэгүүдые бүтээхэдэ һайн.
Дэгэл хубсаһа эсхэхые, адуу мал хүнгэлхые, эд бараа, адуу мал худалдажа абахые, худалдахые тэбшэхэ.
“Сэрэгэй” үүдэн нээгдэнэ: сэрэг хүдэлгэхэгүй.
Энэ үдэр харгыда гарахада, баруун зүг руу муу, бэшэ зүгүүд руу зүглэхэдэ һайн.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
Хулгана, гахай жэлтэнэй урагшатай, һайн үдэр; үхэр, луу, нохой жэлтэнэй буянай үдэр. Морин, могой жэлтэнэй чисаа гараг – һэргэг ябаха хэрэгтэй.
Үһэеэ абхуулхада – нюур шарай һайжарха.
Майн 21, гарагай 5, буряад-монгол литээр шэнын 5.
5-да багша, шаби болоходо, замда гарахада, бусажа ерэхэдэ, гүү барихада, мал хүнгэлхэдэ, адуу малай үһэ нооһыень хайшалхада, газар хахалхада, таряа ногоо тарихада һайн. Модоор уран дарха хэхые, нүүхые, дэгэл хубсаһа эсхэхые, худалдаа наймаа хэхые, наһа барагшын үйлэ бүтээхые тэбшэхэ.
“Түрэлнүүдэй” үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Амгалан тайбанай, хүүгэдэй хэшэг даллага абахада һайн.
Тахяа, үхэр, могой жэлтэй хүнүүдтэ хии мориёо хиидхэхэдэ һайн. Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – баялигта.
Майн 22, гарагай 6, буряад-монгол литээр шэнын 6.
6-да газар хахалхада, таряа ногоо тарихада, адуу мал номгоруулхада, һургахада һайн. Аралжаа наймаа ябуулхые, адуу малай үһэ нооһыень хайшалхые, эд бараа, адуу мал худалдажа абахые, худалдахые, хажуу тээшээ үгэхые, дэгэл хубсаһа эсхэхые тэбшэхэ.
“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.
Амгалан тайбанай, хониной хэшэг даллага абахада һайн.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – зүһэ шарай һайжарна.
Майн 23, гарагай 7, буряад-монгол литээр шэнын 7.
Тэрсүүд ябаһан үдэр утын харгыда гарахые, нүүхые ба бэриин үйлэ бүтээхые, хүдөө гаргахые тэбшэхэ.
7-до газар уһанай хэрэгүүдые үйлэдэхэдэ, шэнэ гэр барихада, пеэшэн табихада, газар хахалхада, үрэһэ тарихада, наһа барагшын үйлэнүүдые бүтээхэдэ һайн. Адуу малай үһэ нооһыень хайшалхые, аралжаа наймаа хэхые, эд бараа, адуу мал худалдажа абахые, мал хүнгэлхые, дэгэл хубсаһа эсхэхые, бэриин үйлэнүүдые бүтээхые тэбшэхэ.
“Бэриин” үүдэн нээгдэнэ: хурим түрэ наадахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.
Амгалан тайбанай, таряанай хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – хэрүүл аман дэлгэрхэ.
Майн 24, гарагай 1, буряад-монгол литээр шэнын 8.
Отошо бурханай дүйсэн үдэр.
Адуу мал хүнгэлхэдэ, гаргахада, агнахада, тушаалда томилходо, ада шүдхэр, дайсаниие дарахада һайн. Адуу малай үһэ нооһыень хайшалхагүй, эд бараа, адуу мал худалдан абахагүй, газар таряалангай ажал хэхэгүй, ургаса хуряахагүй, дэгэл хубсаһа эсхэхэгүй, оёхогүй, шэнэ хубсаһа үмдэхэгүй, замда гарахагүй, бэриин хэрэг бүтээхэгүй, хүүр залахагүй.
“Үхээриин” үүдэн нээгдэнэ: наһа барагшые хүдөө табихагүй.
Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн. Луу жэлтэнэй урагшатай, һайн гараг.
Үһэеэ абхуулхада – наһан ута болохо.
Жаргал лама ДУГДАНОВ бэлдэбэ
Фото: Анна Огородник
