Буряад-монгол зурхай июлиин 27-һоо августын 2 болотор.

Зунай адаг хүхэгшэн хонин һара

Июлиин 27, гарагай 2, буряад-монгол литээр 13.

13-да гал тахихада, тушаалда томилходо, гэр байшан барихада, уһанай хаалта бодхооходо, пеэшэ табихада, адуу малай үһэ нооһо хайшалхада, газар таряанай хэрэгүүдые бүтээхэдэ, гүү барихада һайн.

Дэгэл хубсаһа эсхэхэдэ, түрэ хурим наадахада, эд бараа, адуу мал худалдан абахада, худалдахада, аралжаа наймаа ябуулхада муу.

«Хүбүүнэй» үүдэн нээгдэнэ: хүүгэдэй шухала хэрэг үйлэдэхэгүй, үһыень абахагүй, гэрһээ холо ябуулхагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.

Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.

Үһэеэ абхуулхада – жаргалда.

 Июлиин 28, гарагай 3, буряад-монгол литээр 14.

14-дэ шэнэ гэр байшан бодхооходо, эд бараа, адуу мал худалдан абахада, худалдахада, аралжаа наймаа хэхэдэ, адуу малай үһэ нооһыень хайшалхада һайн. Нүүхые, дэгэл хубсаһа эсхэхые, адуу мал хүнгэлхые, таряа ногоо тарихые тэбшэхэ.

«Сэрэгэй» үүдэн нээгдэнэ: сэрэг хүдэлгэхэгүй, заргалдахагүй.

Энэ үдэр харгыда гарахада, зүүн зүг руу муу, бэшэ зүгүүд руу һайн.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.

Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – баялигта.

 Июлиин 29, гарагай 4, буряад-монгол литээр 15.

            Абида бурханай дүйсэн үдэр.

15-да шэнэ гэр байшан бодхооходо, газар хахалхада, таряа ногоо тарихада, эд бараа, адуу мал худалдан абахада, худалдахада, мал гаргахада, үһэ нооһыень хайшалхада һайн. Нүүхые, дэгэл хубсаһа эсхэхые, адуу мал хүнгэлхые, юумэ урьһалхые, урьһаар абахые, наһа барагшын, бэриин үйлэнүүдые бүтээхые тэбшэхэ.

«Түрэлнүүдэй» үүдэн нээгдэнэ: түрэл гаралнуудтаяа найрлахагүй.

Энэ үдэр харгыда гарахада, урда зүг руу муу, бэшэ зүг руу гэмгүй.

Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.

Үһэеэ абхуулхада – үлзытэй. Гэбэшье һүнэһэн толгойдо оршоно гэжэ анхарагты.

 Июлиин 30, гарагай 5, буряад-монгол литээр 16.

16-да анда нүхэр, багша шаби болоходо, тушаалда дэбжүүлэгдэхэдэ, дэгэл хубсаһа эсхэхэдэ, газар хахалхада, таряа ногоо тарихада, аралжаа наймаа ябуулхада, адуу малай нооһо хайшалхада, хүнгэлхэдэ һайн.

Барилгын ажал хэхэгүй, агнахагүй, заргалдахагүй, замда гарахагүй. «Хэрэмэй» үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.

Энэ үдэр харгыда гарахада муу, илангаяа баруун зүг руу.

Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – үбшэндэ.

 Июлиин 31, гарагай 6, буряад-монгол литээр 17.

17-до замда гарахада, гэр байра барихада, пеэшэ табихада, хубсаһа хунар эсхэхэдэ, газар хахалхада, таряа ногоо тарихада, аралжаа наймаа ябуулхада, наһа барагшын үйлэнүүдые бүтээхэдэ һайн. Адуу мал худалдажа абахые, худалдахые, үһэ нооһыень хайшалхые, хүнгэлхые, уһанай хаалта бодхоохые тэбшэхэ.

«Бэриин» үүдэн нээгдэнэ: хурим түрэ наадахагүй.

Энэ үдэр харгыда гарахада, баруун зүг руу муу, бэшэ тээшэ гэмгүй.

Амгалан тайбанай, хониной хэшэг даллага абахада һайн.

Хонин, тахяа, бишэн жэлтэнэй урагшатай һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – шэг шарай, нюдэнэй хараа муудаха.

 Августын 1, гарагай 7, буряад-монгол литээр 18.

18-да гал тахихада, айраг тараг бүрихэдэ, пеэшэ табихада, адуу малай нооһыень хайшалхада, хүнгэлхэдэ, газар хахалхада, таряа ногоо тарихада һайн. Гэр байрын барихые, дэгэл хубсаһа эсхэхые, эд бараа, адуу мал худалдан абахые, наһа барагшын хэрэгүүдые бүтээхые тэбшэхэ.

«Үхэлэй» үүдэн нээгдэнэ: хүүр залахагүй.

Энэ үдэр харгыда гарахада муу, илангаяа зүүн зүг руу.

Амгалан тайбанай, илангаяа таряанай хэшэг даллага абахада һайн. Бар, морин нохой жэлтэй хүнүүдтэ хии мориёо хиидхэхэдэ һайн.

Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха.

Үһэеэ абхуулхада – гарза гараха.

 Августын 2, гарагай 1, буряад-монгол литээр 19.

19-дэ харгыда ябахада, шэнэ гэр бодхооходо, газар хахалхада, таряа ногоо тарихада һайн. Адуу малай нооһыень хайшалхые, эд бараа, адуу мал худалдан абахые, ургаса хуряахые, бэриин, наһа барагшын үйлэнүүдые бүтээхые тэбшэхэ.

«Үхэлэй» үүдэн нээгдэнэ: хүүр залахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.

Луу жэлтэнэй урагшатай һайн гараг.

Үһэеэ абхуулхада – Бурхан багшын һургаал дэлгэрхэ.