Буряад Уласта Россиин ба Монголой ехэ һургуулинуудай ректорнуудай I хуралдаан үнгэргэгдэхэ

Байгша оной июлиин 4-һөө июлиин 6 болотор Улаан-Үдэдэ Буряадай гүрэнэй Доржи Банзаровай нэрэмжэтэ университедтэ Россиин ба Монголой ехэ һургуулинуудай ректорнуудай I хуралдаан үнгэргэгдэхэ. Монгол  гүрэнэй - 6, үмсын ба тус һалбарида хабаатай ехэ һургуулинуудай, тиихэдэ Россиин 60 дээдэ һургуулиин 150 гаран түлөөлэгшэд хуралдаанда хабаадаха түсэбтэй.

Хуралдаанай программада пленарна зүблөөн оруулагдаа, гадна зүбшэн хэлсэмээр асуудалнуудай талмайнууд эмхидхэгдэхэ. Хэмжээ ябуулганай үедэ хоёр гүрэнэй хоорондо болбосоролой ба эрдэмэй талаар хамтын ажалай холын хараа бодолнууд тухай хөөрэлдөөн эмхидхэгдэхэ. 

Хуралдаанда бэлдэлгын хэмжээндэ хамтын ажалай бүлгэм байгуулагдаа. Монголой гүрэнэй эрдэм ухаанай ба арга зүйнүүдэй университет (ШУТИС) бүлгэмэй ажал хүтэлэн ябуулха. Тэрээнһээ гадуур «Российско-монгольское сотрудничество в области высшего образования» гэжэ ном хэблэгдэхэ. Хуралдаанай үедэ хабаадагшад энэ номтой танилсаха.

2024 оной октябриин 7-до Россиин Эрдэм ухаанай ба дээдэ болбосоролой сайд Валерий Фальков Монгол гүрэн албанай хэрэгээр ошоходоо, Монголой Болбосоролой ба эрдэм ухаанай сайд Пурэвсурэн  Наранбаяртай уулзаа һэн. Энэ уулзалга дээрэ Россиин ба Монголой ехэ һургуулинуудай ректорнуудай I хуралдаа эмхидхэхэ тухай хэлсээн баталагдаһан байна.