399
Хэмжээ ябуулга майн 21-дэ Улаан-Үдэдэ Зүүн Сибириин гүрэнэй Хүтэлбэриин ба арга зүйнүүдэй университедтэ үнгэргэгдэхэ. «ТехноВосток 2030» гэһэн программа шэные үүсхэһэн түсэлнүүдые дэмжэхэ ба хүгжөөхэ зорилготой. Программа Алас Дурнын тойрогой нютаг можонуудта арга зүйнүүдэй талаар олзын хэрэг хүгжөөхэ эгээл ехэ үүсхэл болоно. Шэные үүсхэһэн шиидхэбэринүүдые дурадхаһан сэрэгэй тусхай үйлэ хэрэгүүдэй ветерануудта, хабаадагшадта онсо анхарал хандуулагдаха.
«ТехноВосток 2030» гэһэн программада оролсогшодто тобшолол хэдэг мэдээжэ мэргэжэлтэдэй хабаадалгатай болбосоролой ба албан хэрэгэй программа, амжалтатай хүдэлжэ байһан олзын хэрэг эрхилэгшэдһээ ба хүрэнгэ шэглүүлэгшэдһээ менторскэ сессинүүд, шэные үүсхэһэн түсэлнүүдэй үзэсхэлэн, үйлэдбэриин корпорацинуудтай нетворкинг дурадхагдаха. Мүн эрхим 50 түсэл акселерационно программада хабаадаха.
«ТехноВосток 2030» программын хэмжээндэ технологическа түсэлнүүдэй грантова дэмжэлгэ гурбан шэглэлээр бэелүүлэгдэхэ.
«Предпринимательский» шэглэлдэ технологическа компанинуудые дэмжэжэ, 10 сая хүрэтэр мүнгэн тэдхэмжэ үзүүлэгдэхэ.
«Университетский» ээлжээндэ шалгарһан университетскэ стартапуудые 3 сая хүрэтэр мүнгэн зөөрёор дэмжэхэ, харин «Внедренческий» ээлжээндэ Алас Дурнын хангамжын ажахынуудта түрүү арга зүйнүүдые нэбэтэрүүлгэ ябуулагдаха. Эндэ 10 сая хүрэтэр грант байха.
2025 ондо үнгэргэгдэхэ Зүүн зүгэй эдэй засагай X экономическа хуралдаанда дүнгүүд согсологдохо. https://tv2030ulanude.events.sk.ru/ ссылкээр бүридхэлдэ ороходо болохо.
«Сколково» гэжэ жаса (ВЭБ.РФ бүлгэм) «Восход» жасатай хамта хэмжээ ябуулга эмхидхэнэ. “ВЭБ.РФ” гэжэ гүрэнэй хүгжэлтын корпораци мүнгэн зөөрёор хангаха. Алас Дурнын тойрогой нютаг можонууд, Зүүн зүгые хүгжөөлгын яаман тус программа дэмжэнэ.
Харилсаха нюур - «Сколково» жасын мэргэжэлтэн Бестужева Анастасия Сергеевна. Утаһан: +79260474178, эл. шуудан: ABestuzheva@sk.ru.
Фото: Буряад Уласай Засагай газарай мэдээсэлэй албан
