Буряад-монгол зурхай июлиин 7-һоо 13 болотор

Июлиин 7, гарагай 2, буряад-монгол литээр 12.

12-то айраг тараг бүрихэдэ, тушаалда дэбжүүлэгдэхэ зарлиг тунхаглахада, газар хахалхада, таряа ногоо та­рихада, мал хүнгэлхэдэ һайн. Эд бараа, адуу мал худал­дажа абахые, дэгэл хубсаһа эсхэхые, адуу малай үһэ нооһыень хайшалхые, замда гарахые тэбшэхэ.

Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.

“Наймаанай” үүдэн нээгдэнэ: олзын хэрэг эрхилхэгүй.

Энэ үдэр «морин үхэхэ, эмээл хухарха» ушарһаа хар­гыда гарахада муу, илангаяа зүүн зүг руу муу, бэшэ тээ­шэ зүглэхэдэ гэмгүй.

Нохой жэлтэндэ һанаһанаа бүтээхэдэ урагшатай, хо­нин жэлтэнэй буянай гараг.

Үһэеэ абхуулхада – аминда харша.

Июлиин 8, гарагай 3, буряад-монгол литээр 13.

13-да гал тахихада, гэр байшан бодхооходо, адуу ма­лай үһэ нооһо хайшалхада, газар таряанай хэрэгүүдые бүтээхэдэ, гүү барихада, замда гарахада һайн. Дэгэл хубсаһа эсхэхэдэ, түрэ хурим наадахада, эд бараа, адуу мал худалдан абахада, худалдахада муу.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиид­хэхэдэ, һайн үдэр.

“Хүбүүнэй” үүдэн нээгдэнэ: хүүгэдэй шухала хэрэг үйлэдэхэгүй, үһыень абахагүй, гэрһээ холо ябуулхагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Морин, могой жэлтэнэй урагшатай үдэр; хулгана, га­хай жэлтэнэй буян үйлэдэхэ гараг. Тахяа, бишэн жэл­тэндэ муу үдэр, һэргэг ябаха хэрэгтэй.

Үһэеэ абхуулхада – жаргалда.

Июлиин 9, гарагай 4, буряад-монгол литээр 14.

14-дэ шэнэ гэр байшан бодхооходо, эд бараа, адуу мал худалдан абахада, худалдахада, малай үһэ нооһыень хайшалхада, замда ябахада һайн. Нүүхые, дэгэл хубсаһа эсхэхые, адуу мал хүнгэлхые, таряа ногоо тарихые тэбшэхэ.

Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиид­хэхэдэ һайн.

“Сэрэгэй” үүдэн нээгдэнэ: сэрэг хүдэлгэхэгүй, заргалдахагүй.

Энэ үдэр харгыда гарахада, зүүн зүг руу муу, бэшэ зүгүүд руу һайн.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.

Үһэеэ абхуулхада – баялигта.

Июлиин 10, гарагай 5, буряад-монгол литээр 15.

Абида бурханай дүйсэн үдэр.

15-да шэнэ гэр байшан бодхооходо, газар хахалха­да, таряа ногоо тарихада, эд бараа, адуу мал худалдан абахада, худалдахада, мал гаргахада, үһэ нооһыень хайшалхада һайн. Нүүхые, дэгэл хубсаһа эсхэхые, адуу мал хүнгэлхые, наһа барагшын, бэриин үйлэнүүдые бүтээхые тэбшэхэ.

Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэ­хэдэ һайн.

“Түрэлнүүдэй” үүдэн нээгдэнэ: түрэл гаралнуудтаяа найрлахагүй.

Энэ үдэр харгыда гарахада, урда зүг руу муу, бэшэ тээшэ гэмгүй.

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хо­нин, нохой жэлтэн һэргэг ябахые оролдохо.

Үһэеэ абхуулхада – үлзытэй, гэбэшье һүнэһэн тол­гойдо оршоно.

Июлиин 11, гарагай 6, буряад-монгол литээр 16.

16-да анда нүхэр, багша шаби болоходо, дэгэл хубсаһа эсхэхэдэ, газар хахалхада, таряа ногоо тарихада, арал­жаа наймаа ябуулхада, адуу малай нооһо хайшалхада, хүнгэлхэдэ һайн. Барилгын ажал хэхэгүй, агнахагүй, заргалдахагүй, замда гарахагүй.

Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэ­хэдэ һайн.

“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.

Энэ үдэр харгыда гарахада муу, илангаяа баруун зүг руу.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэл­тэнэй чисаа гараг – һэргэг ябаха хэрэгтэй.

Үһэеэ абхуулхада – үбшэндэ.

Июлиин 12, гарагай 7, буряад-монгол литээр 17.

17-до замда гарахада, хубсаһа хунар эсхэхэдэ, га­зар хахалхада, таряа ногоо тарихада, аралжаа наймаа ябуулхада, наһа барагшын үйлэнүүдые бүтээхэдэ һайн. Адуу мал худалдажа абахые, адуу малай нооһыень хай­шалхые, хүнгэлхые, бэриин хэрэгүүдые бүтээхые тэб­шэхэ.

Амгалан тайбанай, илангаяа таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ һайн.

“Бэриин” үүдэн нээгдэнэ: хурим түрэ наадахагүй.

Энэ үдэр харгыда гарахада, баруун зүг руу муу, бэшэ тээшэ гэмгүй.

Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.

Үһэеэ абхуулхада – шэг шарай, нюдэнэй хараа муудаха.

Июлиин 13, гарагай 1, буряад-монгол литээр 18.

18-да гал тахихада, айраг тараг бүрихэдэ, адуу малай нооһыень хайшалхада, хүнгэлхэдэ, газар хахалхада, та­ряа ногоо тарихада һайн. Замда ябахые, дэгэл хубсаһа эсхэхые, эд бараа, адуу мал худалдан абахые, наһа ба­рагшын хэрэгүүдые бүтээхые тэбшэхэ.

Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.

“Үхэлэй” үүдэн нээгдэнэ: хүүр залахагүй.

Энэ үдэр харгыда гарахада муу, илангаяа зүүн зүг руу.

Луу жэлтэнэй урагшатай, һайн гараг.

Үһэеэ абхуулхада – гарза гараха.