490
«Тэрэ ажалаа ехэ һайнаар дүүргэнэ, шэнэ һонин бодолнуудые оруулна. Тиимэһээ бидэ мэргэжэлтэнээ табиха дурагүй байһанһаа, түбхинүүлхэ һаа наатайбди. Ябан ошон наһанайнь нүхэршье бидэндэ хүдэлхэеэ ерэжэ магад», - гэжэ Ирина Баранова хэлэбэ.
Энэ ажахы хадаа «Хүдөө дэбисхэрэй хүгжэлтэ» гэһэн программада хабаадана гээд тэмдэглэлтэй. Программын ёһоор гэрэй сэнгэй 75 хубииень - гүрэн, 25 хубииень ажалаар хангагша түлэхэ юм.
- Программа үнэхөөрөөшье һайн, тэрээндэ жэл бүри хабаадахабди. Гараха жэлдэ арбан гэр бариха гэжэ түсэблэнхэйбди. Тиигэжэ мэргэжэлтэдые һонирхуулха аргатай болонобди, - гэжэ кооперативай түрүүлэгшэ нэмэнэ.
2025 ондо Буряад Уласай табан аймагта ниигэмэй һалбариин, агропромышленна комплексын, мал эмнэлгын һалбарида хүдэлдэг залуу мэргэжэлтэдтэ найман шэнэ гэр баригдаха. Энэ ажал бэелүүлгэдэ Оросой Холбоото Уласай Юрэнхылэгшэ В.В. Путинай үүсхэһэн «Технологическое обеспечение продовольственной безопасности» гэһэн үндэһэн түсэлэй хэмжээндэ 52,7 сая түхэриг хараалагданхай.
Болбосон түхэлтэй болгогдоһон шэнэ гэрэй талмайн тон бага хэмжээн 72 дүрбэлжэн метр байха юм. Табан жэл хүдэлһэнэй удаа залуу мэргэжэлтэн шэнэ гэрэй сэнһээ 10 хубииень түлэжэ, тэрэнээ худалдан абаха аргатай, 10 жэл хүдэлөө һаа – 1 хуби.
Түрүүшын гэрнүүд август һарада ашаглалгада тушаагдаха гэжэ түсэблэгдэнхэй.
Автор: "Буряад үнэн" мэдээсэлэй албан
Фото: Буряад Уласай хүдөө ажахын яаманай гэрэл зураг
