Буряад-монгол зурхай октябриин 26-һаа ноябриин 1 болотор

Октябриин 26, гарагай 2, буряад-монгол литээр 15.

Абида бурханай дүйсэн үдэр.

15-да замда гарахада, албанай болон гэр бүлынгөө хэрэгүүдые шиидхэхэдэ, шэнэ гэр, байшан бодхооходо, газар хахалхада, таряа ногоо тарихада, эд бараа, адуу мал худалдан абахада, худалдахада, мал гаргахада, үһэ нооһыень хайшалхада һайн.

Нүүхые, дэгэл хубсаһа эсхэхые, адуу мал хүнгэлхые, урьһаар, займаар абахые, бусаахые, наһа барагшын, бэриин үйлэнүүдые бүтээхые тэбшэхэ.

“Түрэлнүүдэй” үүдэн нээгдэнэ: түрэл гаралнуудтаяа найрлахагүй.

Энэ үдэр харгыда гарахада, урда зүг руу муу, бэшэ зүг руу гэмгүй.

Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр. Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.

Үһэеэ абхуулхада – үлзытэй, гэбэшье һүнэһэн толгойдо оршоно.

Октябриин 27, гарагай 3, буряад-монгол литээр 16.

Тэрсүүд ябаһан үдэр харгыда гарахые, нүүхые болон бэриин үйлэнүүдые бүтээхые, хүдөө гаргахые тэбшэхэ.

16-да анда нүхэр, багша, шаби болоходо, дэгэл хубсаһа эсхэхэдэ, газар малтахада, хахалхада, таряа ногоо тарихада, аралжаа наймаа ябуулхада, адуу малай нооһо хайшалхада, хүнгэлхэдэ һайн. Барилгын ажал хэхэгүй, агнахагүй, заргалдахагүй, замда гарахагүй.

“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.

Энэ үдэр харгыда гарахада муу, илангаяа баруун зүг руу. Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр. Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – үбшэндэ.

Октябриин 28, гарагай 4, буряад-монгол литээр 18 (17 таһарба).

18-да гал тахихада, пеэшэн табихада, айраг тараг бүрихэдэ, адуу малай нооһыень хайшалхада, хүнг элхэдэ, газар хахалхада, таряа ногоо тарихада һайн. Замда гарахые, тушаалда томилхые, гэр барихые, дэгэл хубсаһа эсхэхые, эд бараа, адуу мал худалдан абахые, худалдахые, наһа барагшын хэрэгүүдые бүтээхые тэбшэхэ.

“Үхэлэй” үүдэн нээгдэнэ: хүүр залахагүй.

Энэ үдэр харгыда гарахада муу, илангаяа зүүн зүг руу. Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн. Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.

Үһэеэ абхуулхада – гарза гараха.

Октябриин 29, гарагай 5, буряад-монгол литээр 19.

19-дэ харгыда ябахада, шэнэ гэр бодхооходо, газар хахалхада, таряа ногоо тарихада һайн. Адуу малай нооһыень хайшалхые, эд бараа, адуу мал худалдахые, худалдан абахые, тушаалда дэбжүүлхые, найрлахые, бэриин, наһа барагшын үйлэнүүдые бүтээхые тэбшэхэ.

“Үхэлэй” үүдэн нээгдэнэ: хүүр залахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн. Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ һайн. Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – Бурхан багшын һургаал дэлгэрхэ.

Октябриин 30, гарагай 6, буряад-монгол литээр 20.

20-до эд бараа, адуу мал худалдажа абахада, худалдахада, дэгэл хубсаһа эсхэхэдэ, газар хахалхада, таряа ногоо тарихада, адуу малай үһэ нооһыень хайшалхада һайн. Бэр иин үйлэ бүтээхые, замда ябахые, тушаалда дэбжүүлхые, найрлахые, гэр байрын барилгые тэбшэхэ.

“Ниитын” үүдэн нээгдэнэ: суглаа зарлахагүй, шухала уулзалга эмхидхэхэгүй.

Энэ үдэр “морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.

Амгалан тайбанай, хониной хэшэг даллага абахада һайн. Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.

Үһэеэ абхуулхада –  үлэсхэлэндэ, ангалгада. 

Октябриин 31, гарагай 7, буряад-монгол литээр 21.

21-дэ эд бараа, адуу мал худалдан абахада, худалдахада, газар таряанай хэрэгүүдтэ, замда ябахада һайн. Бэриин хэрэгүүдые бүтээхэдэ, тушаалда томилходо, дэгэл хубсаһа эсхэхэдэ, адуу малай үһэ н ооһо хайшалхада муу.

“Айлшанай” үүдэн нээгдэнэ: айлшадые урихагүй.

Амгалан тайбанай, таряа талханай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ һайн. Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.

Үһэеэ абхуулхада – халдабарита үбшэндэ.

Ноябриин 1, гарагай 1, буряад-монгол литээр 22.

22-то эрдэм номдо, зурхайда, урлалда һурахада, пеэшэн табихада, мал номгоруулхада, уналгада һургахада, тэргэ шаргада оруулхада, эд бараа, адуу мал худалдан абахада, газар хахалхада, таряа ногоо тарихада, малай нооһо хайшалхада, мал гаргахада һайн. Холын харгыда гарахые, дэгэл хубсаһа эсхэхые, тушаалда томилхые, бэриин, наһа барагшын үйлэнүүдые бүтээхые тэбшэхэ.

“Наймаанай үүдэн нээгдэнэ”: олзын хэрэг эрхилхэгүй.

Энэ үдэр харгыда гарахада муу, илангаяа баруун зүг руу.

Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.Луу жэлтэнэй урагшатай, һайн гараг.

Үһэеэ абхуулхада –үбшэндэ.

Жаргал лама  ДУГДАНОВ бэлдэбэ.