629
«Байгалай заяан» гэһэн уласхоорондын хуралдаанда Ородой Холбоото Уласай, Монголой, Хитадай, Сенегалай, Арабай Нэгэдэмэл Эмирадуудай болон бэшэшье гүрэнүүдэй олзын хэрэг эрхилдэг эхэнэрнүүд сугларха. Олзын хэрэгэй һалбарида мэдээжэ болоһон эхэнэрнүүдэй элидхэлнүүд эндэ дурадхагдахаһаа гадна шухала сэдэбүүдээр һанамжаараа, дүй дүршэлөөрөө, эрдэм мэдэсээрээ хубаалдаан болохо. Россиин болон бусад гүрэнүүдэй олзын хэрэгэй түлөөлэгшэдтэй уулзажа, хэлсээ баталха, холбоо нүхэдые олохо арга боломжо бултанда үгтэхэ.
- Хуралдаанай үедэ гурбан сесси үнгэргэгдэхэ. Нэн түрүүн эмхидхэгдэхэ пленарна суглаанда бүхы дэлхэйн эхэнэрнүүдтэ шухала удха шанартай асуудалнууд харагдаха. 2-дохи сессидэ шэнэ технологинууд тухай хөөрэлдөөн болохо, харин 3-дахи сесси бэеын энхэ элүүртэ, гоё һайханда зорюулагдаха, - гэжэ «Байгалай заяан» түсэлэй хүтэлбэрилэгшэ Анна Карпова мэдээсэбэ.
Хуралдаанда хабаадагшадай тоодо Надия Черкасова (Россиин эгээ нүлөө ехэтэй 50 эхэнэрнүүдэй нэгэн, Европын эрхим 30 банкирнуудай тоодо тэрэ ородог), Лара Марченко (стратегическэ хүгжэлтөөр ба тушаалаар дэбжэхэ талаар тобшолол хэдэг мэргэжэлтэн, Experum гэһэн дэмжэлгын сервисэй ментор, Москва хотын Менеджментын һургуулиин багша), Зулия Лойкова (мэдээжэ HR-эксперт).
Хуралдаанай тодорхой программа, биледүүдые https://womanopora03.ru/ сайтда орожо харахаар.
Автор: Янжима ДАРМАЕВА бэлдэбэ
Фото: Буряад Уласай Засагай газарай мэдээсэлэй албан
