593
Февралиин 24, гарагай 2, буряад-монгол литээр 26.
26-да айраг тараг бүрихэдэ, газар һэндэхэдэ һайн. Адуу мал худалдахые, аралжаа наймаа хэхые тэбшэхэ.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
«Хэрэмэй» үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.
Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – аза талаанда.
Февралиин 25, гарагай 3, буряад-монгол литээр 27.
27-до айраг тараг бүрихэдэ, хүүр залахада һайн. Бэри буулгахые тэбшэхэ.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ һайн үдэр.
«Бэриин» үүдэн нээгдэнэ: бэриин хэрэг бүтээхэгүй.
Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – жаргалда.
Февралиин 26, гарагай 4, буряад-монгол литээр 28.
28-да бэри буулгахагүй, хүүр залахагүй.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
«Үхээриин» үүдэн нээгдэнэ: наһа барагшын хэрэг эрхилхэгүй.
Энэ үдэр харгыда гарахада, баруун зүг руу муу, бэшэ зүгүүд руу бараг.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – хэрүүл аманда.
Февралиин 27, гарагай 5, буряад-монгол литээр 29.
Дүгжүүбэ.
Нирманарати түбиһөө бурхад буужа, хүн зоной хэрэгүүдые шалгадаг.
29-дэ дайсаниие номгодхоходо, муу муу хайе дарахада һайн. Адуу мал худалдахагүй, наһа барагшын болон бэриин хэрэг бүтээхэгүй, аралжаа наймаа хэхэгүй.
Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.
«Үхэлэй» үүдэн нээгдэнэ: хүүр залахагүй.
Энэ үдэр харгыда гарахада, баруун зүг руу муу, бэшэ тээшэ һайн.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – һүнэһэн зайлаха.
Февралиин 28, гарагай 6, буряад-монгол литээр 30.
Бүтүү үдэр: нангин шүтээнүүдтэ мүргэхэ, буян хэшэг үйлэдэхэ үдэр.
9:00 сагһаа Мандал Шива хурагдаха.
19:00 сагһаа Балдан Һама һахюуһанай хурал.
30-да айраг тараг бүрихэдэ һайн. Наһа барагшын болон бэриин хэрэг бүтээхэгүй.
Амгалан тайбанай, хониной хэшэг даллага абахада һайн.
«Ниитын» үүдэн нээгдэнэ: суглаа зарлахагүй, шухала уулзалга эмхидхэхэгүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – хэрүүл аман, тэмсэл дэлгэрхэ, аминда аюултай.
Мартын 1, гарагай 7, буряад-монгол литээр 2 (1 забһарлаба).
Сагаалган.
Сиидэр Һама.
Бальжиниматай (Согто) үдэр амиды ба нүгшэһэнэй ямаршье үйлэдэ һайн. Энэ сагта Синпүн гэхэ мэтэ газарай бусад эзэдэй байбалшье, али үгышье һаа, согто хутаг, буян болохо.
2-то ноёной тушаал эзэлхэдэ, пеэшэн табихада, үрэһэ тарихада болон арьбажуулгын хэрэгүүдтэ һайн. Холын харгыда гарахые тэбшэхэ.
Амгалан тайбанай, таряа талханай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ һайн.
«Наймаанай» үүдэн нээгдэнэ: олзын хэрэг эрхилхэгүй.
Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – үбшэндэ, хэрүүл аманда, заргада.
Мартын 2, гарагай 1, буряад-монгол литээр 3.
Энэ үдэрһөө Монлам Ченмо хурал эхилнэ. Гараһан жэлдэ гайгүй, амгалан тайбан ажаһуухаяа морин жэлтэй хүнүүдэй үргэл мүргэл үйлэдэхэдэ һайн.
3-да гэр байра хушахада, пеэшэн табихада, арьбажуулгын хэрэгүүдые бүтээхэдэ һайн. Худаг малтахагүй.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
«Хүбүүнэй» үүдэн нээгдэнэ: хүүгэдэй шухала үйлэ бүтээхэгүй, түрэһэн үдэрыень тэмдэглэхэгүй, гэрһээ холо ябуулхагүй.
Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.
Луу жэлтэнэй урагшатай, һайн гараг.
Үһэеэ абхуулхада – баялигта.
Жаргал лама ДУГДАНОВ бэлдэбэ
Фото: Анна Огородник
