Амгалан Дармаев Буряад уласай Хүдөө ажахын болон эдеэ хоолой яаманай сайдаар томилогдобо

Буряад Уласай Арадай Хуралай һунгамалнууд Буряад Уласай Засагай газарай Түрүүлыгшын орлогшоор - Хүдөө ажахын болон эдеэ хоолой яаманай сайдаар Амгалан Дармаевые томилхо тухай зүбшэн хэлсээ. Энэ шиидхэбэри һунгалтын дүнгүүдээр абтаа. Энээнһээ урид Амгалан Дармаев сэрэгэй тусхай операцида хабаадаха тухайгаа мэдүүлгэ оруулһан байгаа гэжэ һанууулнабди.

- Хабарай тарилга эхилхээ байна. Тиихэдэ Хүдөө ажахын болон эдеэ хоолой яаманай һалбарида ниигэмэй барилга эхилэнхэй. Аймагуудта хэгдэхэ ажал ехэ, тиимэһээ хүдөө ажахын һалбариин хүдэлмэрлэгшэд дүршэлтэй хүтэлбэрилэгшэгүй үлэнэбди гэжэ һанаата болоно, - гэжэ Баир Гармаев тэмдэглэбэ.