Чингис Хаанай үндэрлиг
Ниигэм
15 oct
«Хуушарһан джинсовэ бүдөөр оёгдоһон хубсаһа хунараа хаянгүй, «хоёрдохи ами үгэжэ», шэнэ зүйлнүүдые бүтээгты», - гэжэ Баирма Харжеева хэлэнэ. Иигэжэ бидэ байгаалияа хамгаалнабди гээд, тэрэ мэдүүлнэ. Буянтай хэрэг бүтээжэ байһан тухайгаа Баирма Харжеева дуратайгаар хөөрэжэ үгэбэ:
ООН-ой мэдээгээр, мүнөө дэлхэй дээрэ 1 миллиардhаа үлүү эрэмдэг зон ажаhууна. 2022 ондо Россида ажаhуудаг 10 саяһаа үлүүтэй хизаарлагданги арга боломжонуудтай зоной 5,7 саянь – эхэнэрнүүд, 4,5 саянь – бүhэтэйшүүл юм. Тэдэнэй олонхинь - II бүлгэмэй (4,6 сая), удаадахинь III (4,5 сая) ба I бүлгэмэй (1,3 сая) гэжэ элирүүлэгдэhэн. Эрэмдэг зоной 26,33 хубинь (1 саяhаа үлүүтэй) ажал хүдэлмэритэйнүүд.
Алас Дурнын федеральна тойрогой түрэл хэлэнүүдэй залуу багшанар Улаан-Үдэдэ тусхай хуралдаанда суглараа гэжэ урдахи дугаартаа дуулгаһан байнабди. Ород гүрэнэй Арадуудай түрэл хэлэнүүдэй федеральна дээдэ һургуули Буряад Уласай Болбосоролой болон эрдэм ухаанай яамантай иимэ томо хуралдаа үндэр хэмжээндэ үнгэргэбэ гээшэ.
Буряад ороной Баргажанай аймагай түбтэ үндэһэн «Соёл» түлэбөөр һэльбэн шэнэлэгдэһэн модельнэ номой сан нээлгын ёһололдо видеоконференц-холбоогоор Владимир Путин хабаадаа. Тэрэ уншагшадые болон номой сангай ажалшадые мүнөө үеын интерактивна түхеэрэлгэнүүдтэй шэнэ түбтэй болоһоорнь амаршалаа.
Сэрэгэй тусхай хэмжээ ябуулгада алдалан унаһан сэрэгшэ Зоригто Раднатаровта зорюулһан дурасхаалай самбар тэрэнэй ажаһууһан гэртэ хадагдаба. Баатарай үхэлөөр унаһан сэрэгшэн Росгвардиин ОМОН-ой «Кречет» гэһэн тусхай отрядай ахамад прапорщигаар алба хаажа байгаа.
Һүүлэй 10-аад үдэрэй туршада ханяаданай үбшэн амаргүй ехээр һүжэрбэ. Аяар 11 мянга гаран хүн үбшэлөө гэһэн тоо баримта байна.
Нютагай өөһэдын хүтэлбэриин ниитын эмхинүүдэй ажаябуулга тухай эрхимээр зураглажа бэшэһэн сэдхүүлшэдэй хүдэлмэринүүдэй дунда Буряад Уласай Засагай газар мүрысөө эмхидхэдэг юм. Заншалта ёһоороо жэлэй дүүрэхэ багаар тус хүдэлмэринүүдэй дүн гаргагдажа, эрхимүүд элирүүлэгдэдэг. Жэлэй туршада ТОС-уудай хэжэ байһан ажа-ябуулга тухай дэлгэрэнгыгээр, һонирхолтойгоор бэшэжэ, олондо дуулгаһан сэдхүүлшэд урмашуулагдана.
Олониитын ажал ябуулагша Чингис Болотовой «Мусор из головы» түсэл бүхэроссиин «Мы вместе» гэһэн мүрысөөндэ илажа гараба. Үндэр шагнал декабриин 5-да Москва хотодо барюулагдаа.
Субад эрдэнитэй сасуулмаар арадай дуунуудые дуулажа, гүрэн дотор, хари гүрэнүүдээр суутай болоhон Буряадай арадай артист, Буряад Уласай соёлой габьяата хүдэлмэрилэгшэ, багшын ажалай ветеран Ешин-Хорло Будуевна Гомбоин алтан дэлхэйтэеэ хахасаба.
Ород гүрэнэй залуу харбагшад заншалта ёһоороо ноябрь һарын һүүл багаар “Надежды России” гэһэн бүхэроссиин мүрысөөндэ уулзадаг юм. Энэ удаа Буряадай тамиршад дүрбэн медальда хүртэһэн байна.
Украинада һүжэрһэн дүлэндэ баһа нэгэ буряад хүбүүмнай «шатуулшаба». Сэрэгшын уялга дүүргэжэ ябаһан гвардиин старшина Эрдэни Цыбикжапович Гомбоев ноябриин 11-дэ баатарай үхэлөөр унабал даа. Бооржо хотодо 36-дахи Улаан Тугай мотострелково бригадада тэрэ сэрэгэй алба гараһан.
Һаяхана П. Чайковскиин нэрэмжэтэ урлалай колледждо Буряад Уласай наһатайшуулай дунда дуунай мүрысөөн үнгэрөө. Хото хүдөөгэй 500-гаад хабаадагшадай дунда БГУ-гай ветерануудай «Дуулан ябанабди – С песней по жизни» гэжэ бүлгэм байгаа. Эгээл олон тоотой, 20-ёод дуушадтай бүлгэмнай 1-дэхи һуурида гаража, 10 мянган түхэригэй мүнгэн шан абаа. Хүтэлбэрилэгшэмнай - Россиин болон Буряадай соёлой габьяата ажал ябуулагша Вера Матвеевна Мантатова, концертмейстернай – Сергей Куприянович Рымарев юм.
Д. Банзаровай нэрэмжэтэ Буряадай гүрэнэй ехэ hургуулида 1-дэхи курсын оюутадай хоорондо жэл бүри үнгэргэгдэдэг уран һайханай, дуу хүгжэмтэ урилдаанай түгэсхэлэй тоглолто үнгэрбэ. Зүүн зүгэй дээ дэ hургуулиин түлөөлэгшэд ехэ оролдосотойгоор, эбтэйгээр бүхы бэлигээ гаргажа, олон шэглэлээр шалгаржа, «Нэгэдэхи курсын ою тадай кубогай” гол Гран-при шан абаа.
Үнгэрһэн зун Эрхүү можын Усть-Ордын Буряадай тойрог байгуулагдаһаар 85 жэлэйнгээ ойн баярые үргэн дэлисэтэйгээр угтаба. Буряад Уласта һуурижаһан нютагаархидтайгаа баяраараа хубаалдахаяа усть- ордынхид Улаан-Үдэдэ айлшаар буугаа. Уран гартанай үзэсхэлэн дэлгээгээ, суута “Талын аялганууд” ансамбль һайхан тоглолто харуулаа.
Агын дуу, хатарай “Амар сайн” театр Буряад руу гастрольдо гарахаяа түхеэржэ байна. Тус театрай захирал Оюна Дарижапова “Буряад үнэн” Хэблэлэй байшан хүрэжэ, ямар тоглолтонуудтай буухаяа байһанаа хөөрэжэ үгөө.
Украинада носоһон дүлэн руу эгээл сэнтэй «алтануудаа» эльгээжэрхёод, унтаха нойроошье алдаһан ашата эжынэртэ зорюулһан “Эхын абарал” гэжэ нигүүлэсхы сэдьхэлэй марафон-концерт Х. Намсараевай нэрэмжэтэ Буряадай гүрэнэй драматическа театрта ноябриин 25-да үнгэрөө.
Жэл бүри үнгэр гэгдэдэг мяха наймаалалгын яармаг Буряад ороной ниислэл хотодо декабриин 3-4-эй үдэрнүүдтэ үнгэрхэ.
Энхэргэн һайхан сэдьхэлтэй Буряад эжынэрэй нэгэн Людмила Николаевна Бадмаевада Ород Уласай «Эхэ — герой» гэһэн үндэр нэрэ зэргэ олгогдобо гэһэн баяртай мэдээсэл сахилгаан түргөөр тараба.
Үргэн арга боломжотой «Үндэр» гэһэн видеостуди ээлжээтэ амжалтада хүртэбэ.
Түрэлхи хэлэнүүдые болон уран зохёол заадаг багшанар Улаан-Үдэ хотодо эдэ үдэрнүүдтэ сугларанхай. Алас Дурна зүгэй федеральна тойрогой хуралдаан Буряадай ниислэлдэ анха түрүүшынхиеэ үнгэржэ байна.
Үшөө харуулха
3761
