Угай бэшэгэй мүрөөр

Санагын  дасанда гэбшэ лама байhан Жалсанов Бандан Жигжитович хуушан монгол хэлэн дээрэ угайнгаа бэшэг бэшэhэн гэжэ мэдээжэ байһан юм. Тэрэ блокнодынь нэгэ үе үгы болоод, олдохо найдалгүй байтараа, гайхалтайгаар БНЦ-дэ олдожо, бидэ Бандан таабайн ашанар, гушанар тэрээнииень ном болгожо хэблүүлхэ ажал ябуулжа байнабди.

Мэргэн харбаашадые бэлдэһээр

Россида  болон хари гүрэнүүдтэ  Буряад Уласые hур харбагшадай нютаг гэжэ нэрлэдэг. Шагдуржаб Хазагаевай  нүлөө эндэ бии гэхэдэ, алдуу болохогүй. Шагдуржаб Александрович уласай хүдөө нютагууд соо ори гансаараа “Россиин Федерациин габьяата hоригшо” гэжэ нэрэ зиндаатай юм.

Түрүү санашадые бэлдэнэ

Гусиноозёрск хотын спортын һургуулиһаа бэлигтэй тамиршад гарадаг гэжэ мэдээжэ. Буряад Уласай санаар урилдадаг түрүү хүбүүд, басагад эндэ хүмүүжүүлэгдэнэ. Һүүлэй жэлнүүдтэ Виктория Невьянцева бүхэроссиин хэмжээндэ яһала һайн дүнгүүдые харуулжа, Ородой суглуулагдамал командын бүридэлдэ орохоёо бэлэн байһанаа гэршэлнэ.

Бахархал түрүүлмэ баян түүхэтэй

Холо ойгуур Буряад ороноо суурхуулһан Сэлэнгын ябаган сэрэгэй полкын 225 жэлэй ой үргэн дэлисэтэйгээр эмхидхэгдэхэнь. Ойн баярай хэмжээ ябуулганууд 2021 оной һүүл багаар үнгэргэгдэхэ байһан аад, мэдээжэ шалтагаанһаа болзорынь хойшолуулагдаа һэн.

Эхэ оронойнгоо үмэнэ үнэн сэхэ гүбди?

Үндыжэ байһан үри хүүгэдээ бүри нялха нарайһаань бүхы юумэндэ һурган хүмүүжүүлхэдэ, тэдэнэр һайнаар хадуужа абадагынь мэдээжэ. Зүблэлтэ засагай үедэ Эхэ орондоо дуратайгаар, дайсанай орожо ерэбэлнь, гэр бүлөө, тоонто нютагаа өөрынгөө ами наһа хайрлангүй аршалха гэхэһээ эхилээд, хүүгэдэй сэсэрлигһээ һургадаг бэлэй. Һүүлэй хэдэн 10-аад жэлэй туршада сэрэгэй эхин мэдэсын хэшээлнүүдшье һургуулида үнгэргэгдэнэгүй. Мүнөө дэлхэй дээрэмнай ехэ хүлгөөтэй саг хүрэжэ ерээд байһыень хүн бүхэн ойлгожо байна. Энээнһээ уламжалан, эгээл иимэ хэшээлнүүд тон хэрэгтэй болоод байна ха юм. Үнгэрэгшэ амаралтын үдэрнүүдтэ «Пионер» гэһэн худалдаа наймаанай түбэй талмай дээрэ «Эхэ орондоо үнэн сэхэ байлга» гэһэн фестиваль эмхидхэгдээ. Хотын дунда болон дээдэ һургуулинуудай шабинар, оюутад олоороо тус нааданда хабаадаа. Тэдэнэй урда тамирай элдэб зүйлнүүдээр бэеэ һоридог эдиршүүл арга шадалаа харуулаа. «Эхэ орондоо үнэн сэхэ байлга» гэхэдээ, та юун гэжэ ойлгонобта? Ургажа ябаһан улаан бургааһадаа яажа һурганат гэжэ тэндэ хабаадаһан зонһоо асуубабди.

Хүдөө ажахы хүгжөөлгэ тухай

Буряадай Толгойлогшо  Алексей Цыденов хүдɵɵ ажахын мүнɵɵнэй байдалаар асуудалнуудта харюусажа, тэдэниие урагшатайгаар шиидхэхын түлɵɵ засаг зургаануудай зүгhɵɵ абтадаг хэмжээнүүд тухай элидхэл бэшэжэ, олоной анхаралда хандуулhан байна.  

Дэмжэлгэ үзүүлэгдэнэ

Арадай Хуралай ээлжээтэ сессиин үедэ «Эрхэтэдые ниигэмэй талаар дэмжэлгын нэмэлтэ арганууд» тухай Буряад Уласай Хуулида нэмэлтэ хубилалтануудые һунгамалнууд оруулба.

Тобшо һонинууд

Ажалда дүршүүлхэ

Болбосоролой эмхи зургаануудта ажалай талаар хүмүүжүүлгэ дахин эхилхэ тухай хандалга Арадай Хуралай һунгамалнууд дэмжэбэ. Ородой Холбоото Уласай Гүрэнэй Дүүмэдэ ба Ородой Холбоото Уласай Засагай газарта Удмуртиин Гүрэнэй Зүблэл энээн тухай хандалга оруулһан байна.

Аха дүү Баяндуевтан шалгарна

Үнгэрһэн долоон хоногто Буряадаймнай барилдаашад ээлжээтэ амжалтануудые туйлажа, спортдо дуратайшуулые баясуулһан байна. 24 наһа хүрөөгүй тамиршадай дунда Ородой чемпионадта Жаргал Баяндуев бултаниие гайхуулаа.

Дүй дүршэлөө харуулба

Буряад ороной түлөөлэгшэд  гүрэнэй - хубиин аргаар тамирай байшангуудые барилгын  дүй дүршэлөөр уласхоорондын хэмжээндэ хубаалдаа.

Эрхим эмшэдэй жэшээ

Сентябриин 28-да Буряадай Толгойлогшо Алексей Цыденов Алас Дурнын федеральна тойрогой хирургнуудай  III хуралай хүндэтэ айлшадаар - суута Россиин хирург, Ородой Холбоото Уласай Федеральна Суглаанай Гүрэнэй Дүүмын һунгамал Бадма Башанкаевтай ба ДВФУ-гай  эмнэлгын һургуулиин захирал Кирилл Стегниитэй уулзаа.

Тэжээл нөөсэлэгдэһөөр

Хүдөө ажахын яаманай сайдай орлогшын ударидалга доро үнгэрһэн суглаан дээрэ хүдөө ажахын мэргэжэлтэд адуу малаа яажа ондо оруулхаб, ерэхэ үбэлжөөндөө хэр зэргэ үбһэ тэжээл бэлдэгдэнэ гээшэб гэһэн шухала асуудалнуудые хараба.

Унаһан модо суглуулна

Октябриин 1-hээ «Хотын ойн зургаан» гэhэн эмхиин шиидхэбэреэр  түймэртэй тэмсэлэй тусхай байдалай дүүрэhэн ушараар ойн оёороор унаhан модо ба мүшэр суглуулалгын хэрэг эмхидхэгдэжэ эхилбэ.  

Омоли үдхэгдэнэ

Сентябриин 28-да Буряадай хүдɵɵ ажахын сайд Галсан Дареев «Росрыболовство» гэhэн  эмхиин хүтэлбэрилэгшын орлогшо Василий Соколовтой хамта Байгалай омоли загаhанай түрьhэ хаялгын байдалые шалгажа үзэhэн байна.

Багшын һайндэрөөр!

Мүнөөдэр эгээл хүндэтэй мэргэжэлтэдэй - Багшанарай һайндэр Ород Уластамнай тэмдэглэгдэнэ. Ямаршье бэрхэ, манлай бариһан эрдэмтэндэ өөрын заалгаһан багша гэжэ байдаг юм. Багшын ажал яһала хүндэшье һаа, аргагүй хүндэтэйнь мэдээжэ.

Байгалай гүнзэгыдэ

Намарай дунда һарын 2-то, фридайвингаар 24 дахин дэлхэйн чемпион боложо тодорһон Алексей Молчанов Байгал далайн гүнзэгы руу шунгахадаа, ээлжээтэ рекорд табиба.

Нүхэсэлэй дүхэриг байгуулагдаа

90.8 долгин дээрэ түхэреэн хоногто соностодог «Буряад-ФМ» радиогой зохёохы бүлэг сентябрь һарын 25-да Ивалгын дасан дээрэ «Дүрбэн бэрхэ» гэһэн нааданай түгэсхэлэй шата үнгэргөө.

Гайхамшаг уран бүтээл мүндэлбэ

Үнгэрэгшэ амаралтын үдэр Агын тойрогой үндэһэтэнэй дуу хатарай “Амар сайн” театрай танхим соо улад зон олоороо сугларба. Сэсэгүүдэй баглаа бариһан хүнүүд ерэжэл, ерэжэл байна һэн.Театрайнгаа шэнэ бүтээл харахаяа тэгүүлһэн хүнүүдэй шарай баяртайнууд. Мүнөө хатуу шэрүүн саг байгаашье һаань, уран һайханай гоё бүтээлнүүд хүнүүдтэ урма зориг асарна ха юм.  “Амар сайн” театрай тайзан дээрэ “Модэ. Хүннын түүхэ” гэһэн шэнэ этно-балет табигдаа.

«Эрбэдэй нютаг»

Түнхэнэй Үндэһэтэнэй хүреэлэндэ саһан барасай хойноһоо ехэ анхаралтайгаар харана, шэнжэлнэ. Сагаан эреэн зүһэтэй томо арьяатан Россиин  болон дэлхэйн Улаан номдо оруулагданхай. Ород гүрэндэ Саяан, Алтай хада уулануудаар ябадаг юм. Бүхы дээрээ 70-аад толгой үлэнхэй гээд тоологдоно. Саһан бараста зорюулагдаһан уласай экологическа урилдаан эдэ үдэрнүүдтэ соносхогдобо.